సుందరకాండ

కర్నూలులో తేదీ 20-05-11 నుండి తేదీ 28-05-11 వరకు జరుగు 672 వ సుందరకాండ కధాగానమునకు యిదే మా సాదర ఆహ్వానము.

2011-05-16T13:09:00.007+05:30

అంతర్జాలములోని భక్త మహాశయులకు అభివందనములు.

కర్నూలు లో జరుగు 672 వ సుందరకాండ కధాగానమునకు యిదే ఆహ్వానము !

భగవత్ భాగవత విధేయుడు. ---- కొమ్మూరు ఉమాప్రసాద్ భాగవతార్

శ్రీరామ భక్తులందరికి నమస్కారములు.

2011-04-12T21:58:00.000+05:30

సకల ధర్మములను ఆచరణలో చూపించిన శ్రీరామచంద్రుని భక్తులను చిరంజీవి అయిన ఆంజనేయస్వామి వెతుకుతున్నారు. శ్రీరాముని ఆరాధిస్తున్న నిజమైన భక్తులను గుర్తించి వారిని సరి అయిన మార్గములో నడిపించుటకు ఆయన కంకణము కట్టుకొని ఉన్నారు. త్రికరణ శుద్దితో శ్రీరాముని కృపకై ప్రయత్ని ంచేవారు శ్రీ ఆంజనేయస్వామి ద్వారా వెళ్ళితేనే శ్రీరామచంద్రుని కృపకు పాత్రులు కాగలరు. ఆంజనేయస్వామి ద్వారా వెల్లితేనే శ్రీరాముడు అనుగ్రహిస్తాడు. శ్రీరాముని సేవిస్తేనే ఆంజనేయస్వామి లొంగుతాడు. ఇది పరమ రహస్యం ! అందుకే మన పెద్దలు హనుమాన్ చాలీసా చదవండి , శ్రీరామ నామములు వ్రాయండి అని చెపుతుంటారు. అహంకారమును శ్రీరాముని పాదాలవద్ద నైవేద్యముగా పెట్టి ప్రయత్నించండి. త్రప్పక సత్ఫలితములము పొందుతారు. ఇది దైవజ్ఞులు అందజేస్తున్న మంగళాశాసనము.

మాతృదేవో భవ ! పితృదేవో భవ !! ఆచార్య దేవో భవ !!!

స్వామి రక్ష ! శ్రీరామ రక్ష !!

శ్రీరామ రక్ష ! సర్వ జగద్రక్ష !!

అంతర్జాల మితృలందరికీ హృదయపూర్వక ' ఉగాది ' శుభాకాంక్షలు.

2011-04-03T22:16:00.003+05:30

అంతర్జాల మితృలందరికీ హృదయపూర్వక ' ఉగాది ' శుభాకాంక్షలు.

ఈ ' ఖర ' నామ సంవత్సరములో మీరు , మీ కుటుంభసభ్యులు -- మీ సన్నిహితుల , మీ ఆత్మీయుల మన్ననలను పొందుతూ , నిత్య ' దైవ చింతనలతో ' ఆయుశ్శును తగ్గించే రాగద్వేషాలను హృదయములోనికి రానివ్వక , పదిమందికి ఆదర్శముగా ప్రశాంతమైన జీవనము గడపాలని కోరుతూ ,

మీకు ఆశక్తిని మీ ఆరాధ్య దైవము కలిగించాలని " గురుదేవులు శ్రీ ఆంజనేయస్వామిని " , తల్లీ తండ్రీ సర్వస్వమూ అయిన " శ్రీ సీతారామచంద్రులనూ " ప్రార్ధిస్తున్నాను.

జై మారుతీ ! జై జై మారుతీ !!

స్వామి రక్ష ! శ్రీ రామ రక్ష !!

శ్రీ రామ రక్ష ! సర్వ జగద్రక్ష !!

మాతృదేవో భవ ! పితృదేవో భవ !! ఆచార్య దేవో భవ !!

ఈ సాధకునిచే 668 వ సుందరకాండ కధాగానము ఏలూరు వద్ద జాలిపూడిలో తేదీ 13-03-2011 నుండి 17-03-2011 వరకు జరుగును అందరికి ఆహ్వానము .

2011-03-11T00:14:00.004+05:30

అంతర్జాల మితృలకు నమస్కారము.ఈ సాధకునిచే ఏలూరు వద్ద జాలిపూడి గ్రామములో శ్రీ పార్వతీ సమేత బాణేశ్వరస్వామి మరియు శ్రీ ఆంజనేయస్వామి వారి ఆలయ సముదాయములో 668 వ సుందరకాండ కధాగానము తేదీ 13-03-2011 ఆదివారము నుండి తేదీ 17-03-2011 గురువారము వరకు ప్రతీ దినము సాయంత్రము 6 గంటల నుండి 8 గంటల వరకు గురుదేవులు శ్రీ ఆంజనేయస్వామి దయతో జరుగును.తేదీ 18-03-2011 శుక్రవారము ఉదయము అక్కడి భక్తులచే వ్రాయించి సేకరించిన శ్రీ రామనామములకు పూజ మరియు శ్రీ రామచంద్రునకు సామ్రాజ్యపట్టాభిషేకము జరుగును.కావున భక్త మహాశయులు అందరికి ఇదే మా హృదయపూర్వక ఆహ్వానము.

కార్యక్రమమునకు రాలేనివారు దయచేసి తేదీ 17-02-2011 పోష్టు చూడండి

--------- జై మారుతీ! జై జై మారుతీ !!

సుందరకాండ గానము.

2011-02-17T00:07:00.006+05:30

అంతర్జాల మిత్రులకు నమస్కారము. స్వామి కార్యములో నిమగ్నము అవడము వలన మీ ముందుకు కొద్ది నెలలుగా రాలేకపోయినందుకు క్షంతవ్యుడను. ఇప్పుడు కూడా గురుదేవులు ''శ్రీ ఆంజనేయస్వామీ' దయతో యీ సాధకుడు గానము చేయగలుగుతున్న '' సుందరకాండ '' లో కొంత భాగమును పొందుపరుస్తున్నాము. స్వర్గీయ ఎం ఎస్ రామారావుగారు రచించి గానము చేసిన సుందరకాండనే ఆయన బాణీలోనే గానము చేస్తున్నా యీ సాధకుని శైలిలో గానము ఉంటుంది. సన్నివేశము కనిపించు రీతిలో హావభావములతో , సందర్భానుసారముగా వచనములతో గానము జరుగుతుంది. ఒకే స్పీడులో కాకుండా సంధర్భము బట్టి నెమ్మదిగా స్పీడుగా గానము సాగుతుంది. సుందర దాసు ఎం ఎస్ రామారావు గారికి నివాళులు అర్పిస్తూ మీకు అందిస్తున్నాము. సహృదయముతో ఆస్వాదించండి.

1. http://www.youtube.com/watch?v=rPJ-nTGowsg
2. http://www.youtube.com/watch?v=j830sLXnzqI
3. http://www.youtube.com/watch?v=yR_H9-tEnws
4. http://www.youtube.com/watch?v=jTMl_Qm7BYE

" శ్రీ హనుమద్వ్రతకల్పము " పుస్తకము ఆవిష్కరణ మహోత్సవమునకు ఆహ్వానము.

2010-10-31T22:47:00.010+05:30

అంతర్జాల మితృలకు నమస్కారము. గురుదేవులు శ్రీ ఆంజనేయస్వామి కృపతో యీ సాధకునిచే సంకలనము చేయబడిన " శ్రీ హనుమద్వ్రతకల్పము" పుస్తకము రేపు అనగా తేది 01-11-10 న ఆవిష్కరణ జరుగుతున్నది. మీ అందరికి యిదే మా ఆహ్వానము. జై మారుతీ ! జై జై మారుతీ !!

అంతర్జాల మితృలకు విన్నపము.

2010-08-12T17:02:00.002+05:30

అనివార్య కారణాల వలన నెలకు పైగా కొత్తగా పోస్టులు పెట్టలెక పోయాను. అందుకు క్షంతవ్యుడిని.

ఈ సాధకుడు కేవలము గురుదేవులు ' శ్రీ ఆంజనేయస్వామి ' ప్రేరణ తోనే ఏవయినా ప్రత్యేక కార్యములు చేయగలుగుతున్నాడు. స్వామి నుండి ప్రేరణ లేకపోతే యెంత మంచి కార్యమైనా చేయడము లేదు. ఒక వేళ చేసినా దానికి ఆకర్షణ వుండదు. స్వామి ప్రేరణతో తులసీదాసు గారి అద్భుతమైన జీవిత చరిత్ర వ్రాత పని దాదాపు 5 సంవత్సరముల క్రిందట పూర్తి అయింది. కాని అది ముద్రణకు వెళ్ళే అవకాశము స్వామి యివ్వడము లేదు. 110 సంవత్సరముల క్రిందట అప్పటి గ్రాంధిక భాషలో ముద్రించబడిన గ్రంధము నుండి సేకరించబడినది. దానిని యిప్పటి వాడుక భాషలోనికి మార్చి వ్రాయుటకు చాలా ప్రయాస పడవలసి వచ్చింది.పూర్తిగా రెండు పర్యాయములు వ్రాయడము అయినది. ఆ పుస్తకము ముద్రణకు అవకాశము యివ్వమని కోరుతూ 3 సంవత్సరముల క్రిందట కాశీ వెళ్ళి తులసీదాసు మానస మందిరములో స్వామిని ప్రార్ధించినా అవలేదు. అందుచేత మొన్న హరిద్వార్ , ఋషీకేశ్ లలో 7 దినములు సుందరకాండ గానము చేసి ప్రార్ధించినా అవలేదు.

ఈ సాధకుడి చేత స్వామి ' తాత్పర్య సహిత నిత్య ప్రార్ధనా శ్లోకములు ' అనే చిన్నపుస్తకమును ముద్రణ చేయించారు.భక్తుల ఆదరణ వలన ఆ పుస్తకము 25 ముద్రణలతో మే నెల 2009 నాటికి 1 13 000 పుస్తకములు ముద్రించబడి ఆసక్తి గల భక్తుల వద్దకు చేరాయి. ఆ పుస్తకమును యింకా యెక్కువ విశేషములతో తీర్చి దిద్దే అవకాశము స్వామి యిచ్చారు. అది యింకా కూర్పులోనే వున్నాది.

ఈ లోగా హరిద్వార్ , ఋషీకేశ్ ల నుండి రాగానే స్వామి కొత్త పుస్తకము యిస్తున్నారు. అది ' శ్రీ హనుమద్వ్రతము '. ఆంజనేయ స్వామి మీద చాలా పుస్తకాలు ఉన్నాయి. కాని చిన్ని పుస్తకమే అయినా యెవరికి వారే సులభముగా పూజ చేసుకునే రీతిలో స్వామి చేయిస్తున్నారు. ఈ పుస్తకము అయినా ముద్రించే అవకాశము యిమ్మని యీ సాధకుడు గురుదేవులు శ్రీ ఆంజనేయ స్వామిని వేడుకుంటున్నాడు. ఈ అవకాశము యీ సాధకుడికి యివ్వవలసిందిగా మీ పూజలలో కోరమని మీ అందరినీ కోరుతున్నాను.
జై మారుతీ ! జై జై మారుతీ !!

నిత్య పూజ --పితృదేవతలు అమరులే !

2010-06-27T22:31:00.003+05:30

నిత్య పూజ --పితృదేవతలు అమరులే !

పితృదేవతలు అందరూ అమరులవంటివారే! అయితే దేవతలు ఉత్తర దిశలో నివసించుచున్నారు. పితరులు దక్షిణ దిశలో తమ నివాసమును యేర్పరచుకున్నారు. పరమపదించిన బాంధవులకు అతి భక్తితో శ్రాధ్ధకర్మలు ఆచరించినందువల్ల పితరులకు అమిత ఆనందము కలుగుతున్నాది. అందువల్ల పితృదేవతలు శ్రాధ్ధకర్మలు ఆచరించిన వారికి అందరికీ ఐహిక సుఖాలే కాక ఉత్తమమైన పుణ్యగతిని ప్రసాదిస్తున్నారు. మానవులకే కాక సుర , అసుర , గరుడ , గంధర్వ , యక్ష , కిన్నెర , కింపురుషాదులు అందరికీ పితృదేవతలు పూజనీయులే !

%%%%%%%%%%%%

మానవుల - పితృదేవతల - దేవతల కాలమానము.

మానవుల యొక్క శుక్లపక్షము [ పాడ్యమి నుండి పౌర్ణమి వరకు ] పితృదేవతలకు ఒక పగలు , కృష్ణపక్షము [ పాడ్యమి నుండి అమావాస్య వరకు ] ఒక రాత్రి. అనగా మానవులకు ఒక మాసము పితృదేవతలకు ఒక దినము అగును. అందుచేతనే ప్రతీ అమావాస్య నాడు పితృతర్పణము , పిండ ప్రదానము చేయుటకు కారణము. మరణించిన పిదప ఒక సంవత్సరము వరకు ప్రతీ నెలా అమావాస్య నాడు చేసే పితృతర్పణము పితృదేవతలకు నిత్యమూ [ ప్రతీ దినము ] అన్నమిడినట్లుండును.

మానవుల యొక్క ఉత్తరాయణపు ఆరు మాసములు దేవతలకు ఒక పగలు , దక్షిణాయపు ఆరు మాసములు ఒక రాత్రి. అనగా మానవులకు ఒక సంవత్సర కాలము దేవతలకు ఒక దినము. అందుచేతనే సంవత్సరమునకు ఒక పర్యాయము ఉత్సవములు జరుపుతున్నారు. ఆ విధమగా చేయుట వలన దేవతలకు నిత్యము [ప్రతీ దినము ] పూజా జరిపించినట్లుండును.

అల్లూరి సీతారామరాజు గారి విశేషాలు.

2010-06-26T01:55:00.003+05:30

అల్లూరి సీతారామరాజు గారు ఆంగ్లేయులచే చంపబడలేదా ?

ఆయన పోలికలతో ఉన్న యింకొకాయన చంపబడ్డారా ?

ఆయన బర్మా , రంగూనులో అజ్ఞాతవాసములో 14 సంవత్సరాలు గడిపి వచ్చి ఆశ్రమము స్థాపించి సాధుజీవనము గడుపుతూ 8 మంది భార్యలను వివాహము చేసుకున్నారా ?

ఆశ్రమములో ఉన్న అల్లూరి సీతారామరాజు గారిని కలవడానికి ఆయన తల్లి గారు , మల్లుదొర తరచుగా వచ్చేవారా ?

ఈ మధ్య 2 tv chaannels వారు అల్లూరి సీతారామరాజు గారి గురించి పైన చెప్పబడిన విషయాలను ప్రసారము చేశారు. వారు చెప్పిన విషయాలు యేమిటంటే .......

అల్లూరి సీతారామరాజు మన్యసీమలో సుమారు 500 మందితో ఆంగ్లేయలను ఎదిరించడానికి ధర్మయుద్ధము చేసారు . అపారమైన ఆంగ్లేయుల సేనతో తలపడలేక , తనకోసము ఆంగ్లేయులు మన్యసీమలోనివారిని చిత్రహింసలు చేస్తుంటే 1923 మే నెల 23 వ తారీఖున లొంగిపోతున్నట్టుగా కబురు పంపారు. 1924 లో 'రూధర్ ఫర్డ్ ' ఆధ్వర్యములో లొంగిపోయిన సీతారామరాజును చెట్టుకు కట్టి ' గుడాల్ 'అనే అతను తుపాకితో కాల్చి చంపారు. మరణించినప్పుడు సీతారామరాజు వయస్సు 27 సంవత్సరాలు.

ఇంతవరకు ఆ చానల్సు వారు చెప్పింది బాగానే వుంది. ఆ తరువాత విషయాలు వింతగా వున్నాయి.

అల్లూరి సీతారామరాజు మరణించలేదనీ , మరణించినది ఆయన పోలికలు ఉన్న 'వీర వెంకటాచారి ' అనీ , సీతారామరాజుకు కుడి కణతమీద పుట్టుమచ్చ ఉందనీ , సీతారామరాజు చనిపోయినట్టుగా ప్రభుత్వము ప్రకటించిన శవముపై ఆ పుట్టుమచ్చలేదనీ అన్నారు. ఆయన ఖాకీ నిక్కరు, తెల్ల జుబ్బా ధరించేవారనీ చెప్పారు .

ఆ సంఘటన తరువాత సీతారామరాజు బర్మా ,రంగూనులో 14 సంవత్సరాలు అరణ్యవాసము చేసి 1941 లో బెండపూడి గ్రామమునకు వచ్చి ఆశ్రమము స్థాపించి ' బెండపూడి సాధువు ' గా పిలువబడుచూ 20 సంవత్సరాలు ఉన్నారని , ఆశ్రమములో నిత్యాన్నదానము జరిగేదనీ చెప్పారు.

బెండపూడి సాధువు 8 మంది క్షత్రియ కన్యలను వివాహమాడినట్టుగా చెప్పారు.

బెండపూడి సాధువును చూడడానికి అల్లూరి సీతారామరాజు తల్లి , మల్లు దొర , లక్ష్మన్నదొర తరచుగా వచ్చేవారని చెప్పారు.

అల్లూరి సీతారామరాజు తమ్ముడి కొడుకు ' రామరాజు ' ఫోనులో మాట్లాడుతూ , తనకు పెద్ద నాన్నగారి పేరే పెట్టారని చెప్పారు. సీతారామరాజు గారు వివాహము చేసుకోను అని అనేవారని , తపస్సు చేసుకోవడానికి అడవికి వెళ్ళేరని , అక్కడివారి బాధలను చూడలేక ధర్మ యుద్దము చేశారని చెప్పారు.

బెండపూడి సాధువు కోడలు ' వరలక్ష్మి ' మాట్లాడుచూ బెండపూడి సాధువు 'సీతారామరాజే 'అని యెప్పుడూ యెవ్వరితోను చెప్పలేదని అన్నారు.

అల్లూరి సీతారామరాజు చరిత్ర సినిమా తీస్తామని పెద్దలు అడిగితే , అసలే ఆయన నిజ జీవితానికీ , లోకములో ప్రచారమవుతున్న విషయాలకు యెక్కడా పొంతన లేదనీ , సినిమా తీయడానికి యిచ్చినా నిజమైన చరిత్ర తీయరనీ , అందుచేత ఆయన నిజ చరిత్ర యివ్వనని మల్లన్నదొర వ్రాసిన ఉత్తరము చూపించారు.

ఇవీ ఆ చానల్సు వారు ప్రసారము చేసిన విషయాలు.

అయితే ఈ సాధకుడు 1985 లో ' క్రిష్ణ దేవి పేట ' వెళ్ళడము సంభవించింది. ' శ్రీ మోపిదేవి క్రిష్ణ స్వామి ' గారు ఆధ్యాత్మిక ప్రవచనాలు చేస్తుంటారు . వారు ఒకసారి యీ సాధకునిచే సంకీర్తన కార్యక్రమము పెట్టించుకున్నారు. వారు క్రిష్ణదేవిపేటలో 7 దినములు ఉపన్యాసములు యివ్వడానికి వెళ్తూ మా బృందానికి గూడా ఆహ్వానము పంపించారు. క్రిష్ణదేవిపేట వాస్తవ్యులు , ఆ కార్యక్రమ నిర్వాహకులు , శ్రీ దరిశి సత్యనారాయణగారు మమ్మల్ని స్వయముగా ఆహ్వానించారు. అక్కడ మా కార్యక్రము జరుగుతుండగా ఆయన మా వూరి ప్రత్యేకత చూపిస్తానని ఆ వూరి చివరకు [అడవికి వెళ్ళే దారికి] తీసుకువెళ్ళారు. నేలలోనే పీఠము ఉన్న ఒక శివలింగము చూపించి ' అల్లూరి సీతారామరాజు గారి తల్లి యిక్కడకు వచ్చేవారు. ఆవిడను కలవడానికి సీతారామరాజుగారు పులిమీద వచ్చేవారు. పులి పాలతో యీ శివలింగానికి అభిషేకము చేసేవారు.తల్లితో మాట్లాడి ఆవిడ తెచ్చినవి తిని వెళ్ళిపోయేవారు ' అని చెప్పారు.

ఒక్కసారిగా ఒళ్ళంతా జలదరించింది ! సీతారామరాజు పేరు వింటేనే తనువు పులకరిస్తుంది ! అటువంటిది ఆయన తిరిగిన ప్రదేశాలలో తిరగడమే కాకుండా ఆయన పులి పాలతో అభిషేకము చేసిన శివలింగమును తాకే అదృష్టము పొందిన యీ సాధకునికి కళ్ళంట నీళ్ళు వచ్చాయి. అయితే యింత చరిత్ర కలిగిన ఆశివలింగము ఆలనా - పాలనా చూసే దిక్కు లేక ,ఆచ్చాదన లేక శివలింగము బరువుకి నేలలో కూరుకుపోతున్నాది. బరువెక్కిన గుండెలతో తిరిగి వస్తున్నాము.

త్రోవలో ఒక దగ్గర ఆగి, ' ఆనాడు అడవిలో సీతారామరాజు గారిని కాల్చి చంపి , తిరగవేసిన నులక మంచము మీద ఆయన భౌతిక దేహాన్ని తీసుకువచ్చి యిక్కడ దించారు. ఆ సమయములో అక్కడ చేరినవారిని అందరినీ , ఇతనేనా సీతారామరాజు ? అని అడిగారు. చుట్టూ చేరినవారు యెవ్వరూ మాట్లాడలేదు. విగత జీవుడై మంచము మీద పడివున్న తమ ప్రియతమ నాయకుడిని చూస్తూ నిశ్చేష్టులయిపోయారు. యెవరిని అడిగినా మాట్లాడకపోవడముతో ఆయనను తీసుకువచ్చినవాళ్ళు ఆయనను కాళ్ళతో తన్నారు. అంతే అది చూసి తట్టుకోలేక గొల్లున రోదిస్తూ అందరూ ఆయన పాదాలమీద పడిపోయారు. అప్పుడు అతనే సీతారామరాజు అని వాళ్ళు నిర్ధారణ చేసుకున్నారు 'అని చెప్పారు.

ఆయన అడవిలో తపస్సు చేసుకునేవారని, కోయ దొరలతో సఖ్యముగా వుండేవారని , వారి పరిస్తితిని చూసి ఉత్తేజితులై ధర్మయుధ్ధానికి పూనుకున్నారని చెప్పారు. ఆయనకు శక్తులు ఉన్నాయని , అప్పుడప్పుడు మల్లుదొర, గంటందొర మొదలైన వారితో అడవిలో వెళ్తుండగా హఠాత్తుగా ఉత్తరదిక్కువైపు తిరిగి యెవరో చెప్పుతున్నది వినేవారని , యేమిటి దొరా అలాగ ఆగిపోయారు ? ఆకాశములోనికి చూస్తూ యెవరితో మాట్లాడుతున్నారు? అని అడిగితే కలకత్తా నుండి 'అరవింద ఘోష్ గారు ' మాట్లాడేరని 10 దినములలో ముఖ్యమైన సమావేశము ఉన్నాదనీ దానికి తప్పకుండా రావాలని చెప్పేరని , ఉత్తరము కూడా వ్రాసేరట అది వస్తుంది అని చెప్పారుట. ఆ విధముగానే ఉత్తరము వచ్చేదట . ఆయన ముఖము తేజస్సుతో ఉండేదట.

ఈ సాధకడు చిన్నప్పటినుండి యెన్నోసార్లు యెంతోమంది కళాకారులు అల్లూరి సీతారామరాజు ఏక పాత్రాభినయనము చేయగా చూసాడు. అదంతా నిజముగా జరుగలేదు. యెవరో మహానుభావుడిచేత సృష్టించబడింది. క్రిష్ణదేవిపేట [k.d.peta] లోనున్న సామాన్యులకు తెలిసిన నిజాలను అనేక రసాలతో కూర్చిన ఆ కల్పిత గాధ మరుగుపరచింది.

ఆయన మరణించలేదని యెక్కడో అజ్ఞాతవాసము చేసి వచ్చి బెండపూడి లో సాధువుగా అవతారము యెత్తి 8 మంది క్షత్రియ కన్యలను వివాహము చేసుకున్నారని యెవరు చెప్పినా సగటు భారతీయుడు అంగీకరించడు.

జై మారుతీ! జై మారుతీ !!

మానవ జన్మము - భగవత్భజనావశ్యకత!

2010-06-20T23:39:00.009+05:30

* మానవ జన్మము దుర్లభము. ఎనుబది నాలుగు లక్షల జీవరాసులలో భగవంతునితో సమాన స్థితిని పొందినవాడు , ఉత్తమోత్తముడు - మానవుడు ! భగవంతుని కనుగొనగలిగిన జన్మ - మానవజన్మ! అట్టి జన్మను ఎత్తియు భగవత్భజన చేయకున్నవానిని ద్విపాద పశువుగా యెన్నవచ్చును. యుక్తా యుక్త విచక్షణ జ్ఞానము కలిగిన మానవుడు దానిని సద్వినియోగము చేసుకొని ఆత్మానాత్మ వివేచనము కలిగి భగవదారాధన చేయవలెను.

*కలియుగమందు యజ్ఞ యాగాది క్రతువులు , తపో నిష్టా గరిష్టలు ఆచరణకు దుస్సాధ్యము . సులభమైనది 'స్మరణ ' మరియు ' కీర్తన '.

* కలిసంతరణోపనిషత్తులో...

శ్లోకము :- హరేర్నామ హరేర్నామ హరేర్నామైవ కేవలం

. . . . . . . కలౌ నాస్త్యేవ నాస్త్యేవ నాస్త్యేవ గతి రన్యధా !

తాత్పర్యము :- హరి నామ స్మరణ వినా కలియుగములో మోక్ష సాధనకు వేరే గతి లేదు.

* మనో నిగ్రహమునకు నామ సంకీర్తనము అవసరము. నవ విధ భక్తి మార్గములలో ' కీర్తన ' ఒక్కటి. మనో ధారణకు , భవరోగములకు దివ్యమైన ఔషధము భగవత్కీర్తన.

* భగవదనుభూతిని పొందుటకు సంకీర్తన యోగా అనునది సులువైన , తేలికైన , తిరుగులేని , సరి అయిన మార్గము మరియు సరి అయిన పద్దతి.

* అల్లోపతి వైద్యము , ఆయుర్వేదోపతి వైద్యము , నేచురోపతి వైద్యము మరియు హోమియోపతి వైద్యము యివన్నీ విఫలము అవ వచ్చునేమో గాని భగవన్నామోపతి వైద్యము యెట్టి పరిస్థుతులలోనూ విఫలము కాదు. స్మరించిన వారిని త్రప్పక తరింప జేయును. అని శ్రీ శివానంద మహర్షి అన్నారు.

---వివేక చూడామణి ( డా..రామక లక్ష్మణ మూర్తి)

నిత్య పూజ --గురువు సహాయము కోరు!

2010-06-15T12:52:00.004+05:30

నిత్య పూజ --గురువు సహాయము కోరు! గురువును సహాయము కోరు గురువు లేని ప్రయాణము ప్రమాదభరితమయినది. సద్గురు సహాయము లేకుండా మనస్సును జయించగలవాడు యెవ్వడు ? వలదిక ఇలలో ఇసుమంతైననూ సందేహం గురువు లేనిదే దుర్లభమోయీ భవతరణం ! గురువు వినా రుద్రాక్షలు దండగ ! గురువు వినా దనమ్ములు దండగ ! గురువు వినా ప్రతీయత్నము దండగ ! ఉందీ సత్యం పురాణాల నిండుగ !! గురువు లక్షణాలు ! పరోపకార భావన , జప పూజాదుల ఆచరణ , సార్ధకమయిన పలుకు , శాంత స్వభావము , వేద వేదాంగాలు క్షుణ్ణంగా తెలిసి యుండుట , యోగ శాస్త్ర సిద్దాంతాలను సులువుగా బోధించగలుగుట , దేవతల మనస్సులను సంతోష పెట్టగలిగియుండుట మొదలయిన సుగుణాలతో పరిపూర్ణుడైన వాడే సద్గురువు ! ఇంతే కాదు సర్వ విధి సామర్ధ్యము మంచి మాటకారితనము , చక్కని తేజస్సు , దాన గుణము , పరిశుద్దమయిన మనస్సు , పృధివి మొదలైన పంచ భూతాల తత్వము ఎరిగి వుండుట మొదలైన లక్షణాలు కలిగియున్న వ్యక్తి సద్గురువు !

2010-06-14T16:48:00.004+05:30

నిత్య పూజ సద్గురువు. ( 1 వ భాగము ) నిజమైన గురువు ఎవరో ఆ సద్గురువుని లక్షణాలెటువంటివో తెలుసుకోవడము అందరికీ అవసరము. ముఖ్యముగా ఆధ్యాత్మిక సాధకులకూ , ఆత్మ జిజ్ఞాసులకూ ఎంతో శ్రేయస్కరము. వేదాంత శాస్త్రాలలో " గురు " అనే పదానికి అర్ధము యీ విధముగా చెప్పబడింది. శ్లోకము : గు కార స్త్వంధకారోస్తు రు కార స్తన్నిరోధక : ! అంధకార నిరోధత్వం గురు రిత్యభిధీయతే !! తాత్పర్యము : 'గు ' అనే పదము అజ్ఞానమనే అంధకారాన్ని సూచించేదని , 'రు ' అనే పదము దానిని నిరోధించేదని , అంధకారాన్నినిరోధించేది కనుక 'గురు ' అనగా అజ్ఞానాంధకారాన్ని పోగొట్టేవాడని అర్ధము. 77777 సద్గురువుని గురించి 'యోగ వాశిష్టంలో ' యిలా స్పష్టము చేయబడింది. శ్లోకము : దర్సనా త్స్పర్శనా చ్చబ్దా త్కృపయా శిష్య దేహకే , జనయే ద్య: సమావేశం శాంభవం స హి దేశిక: ! తాత్పర్యము : దర్శనము వలనా , స్పర్శ చేతా , కృపా కటాక్షములతో కూడిన ప్రబోధ వాక్యముల వలనా , శిష్యుని హృదయమందు శివ జ్ఞానపరమైన ఆత్మతత్వ సమావేశమును ఎవరు జనింపజేయగలుగునో , అటువంటి మహనీయుడే నిజమైన సద్గురువు. %%%%%%% శ్లోకము : సర్వే శృణుత భద్ర వో నిశ్చయేన సునిశ్చితం , ఆత్మ జ్ఞానా త్పరం నాస్తి గురో రపి చ తద్విధ: ! తాత్పర్యము : ఓ జనులారా ! మీకు శుభము కలుగు గాక ! మీరందరూ అత్యంత నిశ్చయమైన , పరమ సత్యమైన ఈ మహత్తర విషయమును వినుడు. " ఆత్మ జ్ఞానము కంటెను , ఆత్మ జ్ఞాన అనుభవజ్ఞుడైన సద్గురువు కంటెను మించినది ఈ లోకమందేదియును లేదు " @@@@@@ శ్లోకము : పద వాక్య ప్రమాణజ్ఞై ర్దీపభూతై: ప్రకాశితం , బ్రహ్మ వేద రహస్యం యై స్తా న్నిత్యం ప్రణతో స్మ్యహం ! ( ఉ .పా ) తాత్పర్యము : వేదాంత మహావాక్య ప్రమాణాల్ని సంపూర్ణముగా ఎరిగిన వాడవడము వలన , దీపము వస్తువుల్ని ఎలా ప్రకాశింపజేస్తుందో , అలా వేద రహస్యమైన బ్రహ్మ స్వరూపాన్ని ప్రకాశింపజేసి , శిష్యునికి గోచరిన్పజేసె సద్గురు మహనీయునికి సర్వదా ప్రణామములు అర్పించుచున్నాను. ()()())() గురుని ఆవశ్యకత : ఆత్మ జ్ఞాన సంపన్నుడైన గురువు ముఖమున స్వయముగా బ్రహ్మవిద్యను అభ్యసించాలని , సద్గురుని అనుభవైక ప్రబోధాలవల్లకాక , కేవలము శాస్త్ర ప్రమాణముల చేత నేర్చుకున్న విద్య ఫలప్రదము కాదని , ఆత్మవేత్తలైన సద్గురువుల వల్ల నేర్చుకున్న విద్యయే సుస్థిరమైన ,ఫలప్రదమైన ఆధ్యాత్మిక ప్రగతిని కలుగ జేస్తుందని శృతులలో చెప్పబడింది. అయితే పక్వ జీవులైన కొందరు మహనీయులు పూర్వ జన్మ సుకృతమువలన ఏ గురువునూ ఆశ్రయించకనే , సక్రమమైన స్వకీయమైన పురుష ప్రయత్నము చేసుకొని , ఆత్మ సిద్ధిని పొందడము కూడా గమనార్హము. అటువంటివారికి వారి ఆంతర్యములోవున్న పరమాత్మ స్వరూపుడే తోడ్పడుతూ , ఆధ్యాత్మిక ప్రగతినీ , ఆత్మజ్ఞానాన్ని ప్రసాదిస్తుంటాడు. { జనవరి 1994 సప్తగిరి సౌజన్యముతో. } &&&&& ఎటువంటివాడు గురువు ? * వ్యక్తులలో అంతర్లీనముగా ఉన్న చైతన్య శక్తులను జాగృతం చేసి కర్మాచరణకు స్పూర్తిని యిచ్చేవాడు - గురువు ! * వారిలోని చొరవను , సృజనాత్మకతను వ్యక్తపరచడానికి తగిన మార్గము చూపేవాడు - గురువు ! * దిక్కుతోచక , దిగులుతో బాధపడుతున్నప్పుడు ధైర్యము చెప్పి ముందుకు నడిపించేవాడు - గురువు ! * తమలోని దివ్యత్వాన్ని దర్శించి , ఆచరణలొ ధార్మికతగా దానిని అమలుపరచగల ధీమంతులుగా వ్యక్తులను తీర్చిదిద్దే దార్శనికుడు - గురువు ! ( మార్చి/ 2002 భక్తి నివేదన సౌజన్యముతో ) సద్గురువు. ( 1 వ భాగము ) నిజమైన గురువు ఎవరో ఆ సద్గురువుని లక్షణాలెటువంటివో తెలుసుకోవడము అందరికీ అవసరము. ముఖ్యముగా ఆధ్యాత్మిక సాధకులకూ , ఆత్మ జిజ్ఞాసులకూ ఎంతో శ్రేయస్కరము. వేదాంత శాస్త్రాలలో " గురు " అనే పదానికి అర్ధము యీ విధముగా చెప్పబడింది. శ్లోకము : గు కార స్త్వంధకారోస్తు రు కార స్తన్నిరోధక : ! అంధకార నిరోధత్వం గురు రిత్యభిధీయతే !! తాత్పర్యము : 'గు ' అనే పదము అజ్ఞానమనే అంధకారాన్ని సూచించేదని , 'రు ' అనే పదము దానిని నిరోధించేదని కనుక 'గురు ' అనగా అజ్ఞానాంధకారాన్ని పోగొట్టేవాడని అర్ధము. 77777 సద్గురువుని గురించి 'యోగ వాశిష్టంలో ' యిలా స్పష్టము చేయబడింది. శ్లోకము : దర్శనా త్స్పర్శనా చ్చబ్దా త్కృపయా శిష్య దేహకే , జనయే ద్య: సమావేశం శాంభవం స హి దేశిక: ! తాత్పర్యము : దర్శనము వలనా , స్పర్శ చేతా , కృపా కటాక్షములతో కూడిన ప్రబోధ వాక్యముల వలనా , శిష్యుని హృదయమందు శివ జ్ఞానపరమైన ఆత్మతత్వ సమావేశమును ఎవరు జనింపజేయగలుగునో , అటువంటి మహనీయుడే నిజమైన సద్గురువు. %%%%%%% శ్లోకము : సర్వే శృణుత భద్ర వో నిశ్చయేన సునిశ్చితం , ఆత్మ జ్ఞానా త్పరం నాస్తి గురో రపి చ తద్విధ: తాత్పర్యము : ఓ జనులారా ! మీకు శుభము కలుగు గాక ! మీరందరూ అత్యంత నిశ్చయమైన , పరమ సత్యమైన ఈ మహత్తర విషయమును వినుడు. " ఆత్మ జ్ఞానము కంటెను , ఆత్మ జ్ఞాన అనుభవజ్ఞుడైన సద్గురువు కంటెను మించినది ఈ లోకమందేదియును లేదు " @@@@@@ శ్లోకము : పద వాక్య ప్రమాణజ్ఞై ర్దీపభూతై: ప్రకాశితం , బ్రహ్మ వేద రహస్యం యై స్తా న్నిత్యం ప్రణతో స్మ్యహం ! ( ఉ .పా ) తాత్పర్యము :వేదాంత మహావాక్య ప్రమాణాల్ని సంపూర్ణముగా ఎరిగిన వాడవడము వలన , దీపము వస్తువుల్ని ఎలా ప్రకాశింపజేస్తుందో , అలా వేద రహస్యమైన బ్రహ్మ స్వరీపాన్ని ప్రకాశింపజేసి , శిష్యునికి గోచరింపజేసే సద్గురు మహనీయునికి సర్వదా ప్రణామములు అర్పించుచున్నాను. గురుని ఆవశ్యకత : ఆత్మ జ్ఞాన సంపన్నుడైన గురువు ముఖమున స్వయముగా బ్రహ్మవిద్యను అభ్యసించాలని , సద్గురుని అనుభవైక ప్రబోధాలవల్లకాక , కేవలము శాస్త్ర ప్రమాణముల చేత నేర్చుకున్న విద్య ఫలప్రదము కాదని , ఆత్మవేత్తలైన సద్గురువుల వల్ల నేర్చుకున్న విద్యయే సుస్థిరమైన ఫలప్రదమైన ఆధ్యాత్మిక ప్రగతిని కలుగ జేస్తుందని శృతులలో చెప్పబడింది. అయితే పక్వ జీవులైన కొందరు మహనీయులు పూర్వ జన్మ సుకృతమువలన ఏ గురువునూ ఆశ్రయించకనే , సక్రమమైన స్వకీయమైన పురుష ప్రయత్నము చేసుకొని , ఆత్మ సిద్ధిని పొందడము కూడా గమనార్హము. అటువంటివారికి వారి ఆంతర్యములోవున్న పరమాత్మ స్వరూపుడే తోడ్పడుతూ , ఆధ్యాత్మిక ప్రగతినీ , ఆత్మజ్ఞానాన్ని ప్రసాదిస్తుంటాడు. { జనవరి 1994 సప్తగిరి సౌజన్యముతో. } &&&&& ఎటువంటివాడు గురువు ? * వ్యక్తులలో అన్యర్లీనముగా ఉన్న చైతన్య శక్తులను జాగృతం చేసి కర్మాచరణకు స్పూర్తిని యిచ్చేవాడు - గురువు ! * వారిలోని చొరవను , సృజనాత్మకతను వ్యక్తపరచడానికి తగిన మార్గము చూపేవాడు - గురువు ! * దిక్కుతోచక , దిగులుతో బాధపడుతున్నప్పుడు ధైర్యము చెప్పి ముందుకు నడిపించేవాడు - గురువు ! * తమలోని దివ్యత్వాన్ని దర్శించి , ఆచ్రణలో ధార్మికతగా దానిని అమలుపరచగల ధీమంతులుగా వ్యక్తులను తీర్చిదిద్దే దార్శనికుడు - గురువు ! ( మార్చి/ 2002 భక్తి నివేదన సౌజన్యముతో ) నిత్యపూజ - గురు వందనం 2వ భాగము. శ్లోకము : నారాయణ సమారంభాం - శంకరాచార్య మధ్యమాం ! అస్మద్గురు పర్యంతం - నమామి గురు పరంపరాం !! తాత్పర్యము : 'నారాయణుని నుండి శంకరాచార్యుని వరకు , మళ్ళీ ఆయన చెప్పిన ధర్మాన్నే మనకు చెప్పిన మన గురువుగారి వరకూ ఉన్న గురుపరంపరకు నమస్కారములు ' (మనది శాశ్వతమైన సనాతన ధర్మము. దీనికి భగవానుడైన నారాయణుడు ఆది గురువు .ఆయన నుండి బ్రహ్మ , బ్రహ్మ నుండి వశిష్టుడు , వశిష్టుని నుండి శక్తి , శక్తినుండి పరాశరుడు , పరాశరుడి నుండి వ్యాసుడు , వ్యాసుని నుండి శుకుడు , శుకుని నుండి గౌడపాదుడు , గౌడపాదుడి నుండి గోవింద భగవత్పాదుడు , గోవింద భగవత్పాదుని నుండి ఆదిశంకరాచార్యులు సనాతన వేద ధర్మాన్ని స్వీకరించారు. ఆ సనాతన ధర్మాన్ని ఉపదేశించి మనలను ఆధ్యాత్మిక మార్గములో నడిపించే గురువే గురువు.) శ్లోకము : గురవో నిర్మలా శాంతా: - సాధకా మిత భాషణ: ! ఏతై: కారుణ్యతో దత్తో - మంత్ర: క్షిప్రం ప్రసీదతి !! తాత్పర్యము : గురువులనగా నిర్మలమైన వారు , శాంత స్థితి కలవారు , సాధకులగువారు , మితభాషులగువారు. అట్టి వారిచే దయతో ఈయబడు మంత్రము వెంటనే అనుగ్రహించ గలదు. 909090 శ్లోకము : నిత్యాయ నిర్వికల్పాయ - నిరవద్యాయ యోగినే ! నిర్మలాయ గిరీశాయ - శివాయ గురవే నమ : తాత్పర్యము : నిత్యుడు , పొరపాటు అనునది లేనివాడు , ఆక్షేపణ లేనివాడు, చిత్తవృత్తులను నిరోధించిన వాడు , నిర్మలుడు , బృహస్పతి సముడు , మంగళ స్వరూపుడు అగు గురువునకు నమస్కారము. శ్లోకము : శరణం సద్గురు చరణం - నిగమాభరణం భవాబ్ది సంతరణం ! యత్పరిచరణం కరణం - అనిష్ట నివృత్తే రభీష్టాస్తే : !! ( నవంబరు 1999 వేదాంతభేరి సౌజన్యముతో ) తాత్పర్యము : వేదవేత్తలగు సద్గురువుల పాదపద్మములే జనులకు శరణ్యము. సంసార సముద్రమును అయ్యవి అవలీలగా దాటించివేయగలవు. అనగా గురుభక్తి కలవారు , దైవభక్తి కలవారు , సంసార సాగరమును సులభముగా దాటివేయగలరు. కాబట్టి అనిష్టమగు బంధము యొక్క నివృత్తి కొరకును , అభీష్టమగు మోక్షము యొక్క ప్రాప్తి కొరకును జనులు గురుదేవుల పాదపద్మములను తప్పక ఆశ్రయించవలెను. %%%%%% శ్లోకము : అజ్ఞాన తిమిరాంధస్య - జ్ఞానాంజన శలాకయా ! చక్షు రున్మీలితం యేన - తస్మై శ్రీ గురవే నమ : !! తాత్పర్యము : అజ్ఞానమనే అంధకారముతో మూసుకుపోయిన నా కళ్ళను జ్ఞానాంజనమనే దీపముతో వెలుగులోనికి తెచ్చిన నా గురుదేవులకు నమస్కారము. ()()()() శ్లోకము : యస్య ప్రసాదాద్ భగవత్ ప్రసాదో యస్యాప్రసాదా న్న గతి : కుతో అపి ! ధ్యాయం స్తువం సస్య యశ స్త్రి సంధ్యం వందే గురో : శ్రీ చరణారవిందం. !! తాత్పర్యము : ఆధ్యాత్మిక ఆచార్య్ని అనుగ్రహము వలన భగవంతుని అనుగ్రహము లభిస్తుంది. ఆయన అనుగ్రహము లేకపోతే ఏ వ్యక్తీ ముందుకు సాగలేడు. అందుచేత నేను నిరంతరము నా ఆధ్యాత్మిక ఆచార్యుణ్ణి కనీసము మూడు పర్యాయములు స్మరిస్తూ ఆయన చరణారవిందములకు ప్రణమిల్లుతాను. నిత్యపూజ - గురు శబ్దోచ్చారణ మాహాత్మ్యం.

'గురు ' శబ్దంలో 'గ ' కారం , 'రేఫ ' , ' ఉ '

కారమనే మూడు వర్ణాలు ఉన్నాయి. వీటిలో 'గ ' కారము -
సిద్ధి ప్రదాయకము. ' రేఫ '- పాప హారకము. ' ఉ ' కారము - శివ స్వరూపము. కనుక 'గురు ' అనే శబ్దాన్ని ఉచ్చరిస్తే కోరికలు సిద్ధించడము , పాపాలు హరించడము , శివానుగ్రహమనే మూడు ఫలితాలు ఒకే సమయములో దక్కుతాయి. ఇదీ గురు శబ్దోచ్చారణ మహాత్మ్యం !

ఎవరు ఇతర జీవుల పట్ల ద్వేషము లేక , స్నేహ మమకారములు కలిగివుందురో , ఎవరు క్షమా గుణము కలిగి ఉందురో , ఎవరు సుఖ దు:ఖములను , సమానముగా చూడగలరో వారు పరమాత్మకు యిష్ఠులు !

ఆంజనేయుని సేవించువారికి మోక్షము,భోగము లభిస్తాయి!

2010-06-11T23:35:00.014+05:30

శ్లోకం :- యత్రాస్తి భోగో - నహి తత్ర మోక్ష :

యత్రాస్తి మోక్షో- నహి తత్ర భోగ: !

శ్రీ మారుతేస్సేవన తత్పరాణాం

భోగశ్చ మోక్షశ్చ కరస్థ ఏవ !!

భావము : ఎచ్చట భోగము ఉండునో అచ్చట మోక్షము ఉండదు. ఎచ్చట మోక్షము ఉండునో అచ్చట భోగము ఉండదుకాని ఆంజనేయ సేవా తత్పరులకు భోగము,మోక్షము రెండును సిద్దించును.

అనగా భోగమును యిచ్చే పరమేశ్వరుడు మోక్షమును యివ్వలేడు. అలాగే మోక్షమును యిచ్చే శ్రీరాముడు(శ్రీమన్నారాయణుడు)భోగమును యివ్వలేడు.

ఇంకా చెప్పాలంటే శ్రీరాముడిని గాని, శ్రీకృష్ణుని గాని, శ్రీవేంకటేశ్వరుడిని గాని లేదా పరమేశ్వరుడిని గాని పూజించేవారు ఆంజనేయస్వామి ద్వారా వారిని పూజిస్తే ఈశ్వరాంశ సంభూతుడైన మరియు శ్రీరామదాసుడైన ఆంజనేయస్వామి భక్తుల చిన్న చిన్న కోర్కెలు తీర్చడమే కాకుండా వారికి భోగమును మరియు మోక్షమును కూడా యిప్పించగలడు కనుక తులసిదాసు గారి అవధి( హిందీ) భాషలోని శ్రీ హనుమాన్ చాలీసాను ప్రతీ అక్షరమును స్పష్టముగా పలుకుతూ పారాయణ చేసుకోండి.

జై మారుతీ ! జై జై మారుతీ !!

బ్రహ్మ దేవుడికే వర్ణింప శక్యము కాని మహిమ గలవాడు శ్రీ ఆంజనేయస్వామి!

2010-06-09T11:34:00.005+05:30

అంతర్జాల మితృలకు ' శ్రీ హనుమత్ జయంతి ' సందర్భముగా శుభాభివందనములు!

శ్లోకము : ఆంజనేయ: పూజితశ్చేత్ , పూజితా స్సర్వదేవతా: !

హనుమన్మహిమా శక్యో , బ్రహ్మణాపిన వర్ణితుం !!

భావము : ఆంజనేయస్వామిని పూజిస్తే సమస్త దేవతలనూ పూజించినట్లే ! బ్రహ్మదేవుడు కూడా వర్ణింపజాలని మహిమ హనుమన్మహిమ!!

****

ఆంజనేయుడు పుట్టగానే ఆకలితో సూర్యుడిని చూసి పండు అని భ్రమించి రెండు వేల యోజనముల దూరములో నున్నసూర్యుడిని మ్రింగబోగా దేవేంద్రుడు వజ్రాయుధముతో దవడమీద కొట్టగా దవడ ( హనువు ) వాచిపోయి , స్పృహతప్పివొక పర్వతము మీద పడిపోగా వాయుదేవునికి దేవేంద్రుడిపై కోపమువచ్చి ఆంజనేయుని వొక గుహలోనికితీసుకుపోయి అన్నిలోకములలోను వాయు గమనాన్ని ఆపివేశాడు. గాలి ఆడక అన్నిలోకములలోని ప్రాణికోటులుఅల్లల్లాడిపోతుంటే దేవేంద్రుడు , బ్రహ్మదేముడితో సహా అందరు దేముళ్ళు దిగి వచ్చి ఆంజనేయుడికి తమ శక్తులన్నీదారపోసి ' నిన్ను పూజిస్తే తమను పూజించినట్టే ' అని మంగళాశాసనము చేశారు. హనువు వాచిపోవడము వలనఅప్పటినుండి ' హనుమ ' అని పిలువబడుతున్నాడు. అందరి దేవతల శక్తులు , ఆశీర్వచనములు పొందిన హనుమ ' సర్వదేవతాస్వరూపుడు ' అయినాడు.

ఆంజనేయుని గొప్పతనము గురించి వర్ణించడానికి బ్రహ్మదేవుడికే శక్యము కానప్పుడు మానవమాత్రులము మనముయేమి చెప్పగలము. అయినా ఉదాహరణకు ఒక్క విషయము చెప్పుకుందాము. శ్రీరామ - రావణ యుద్దముజరుగుతున్నాది. ఇంద్రుడినే జయించిన మేఘనాదుడు (ఇంద్రజిత్తు) తన తండ్రి రావణాసురుడు కన్నాభయంకరమయినవాడు. మాయలతో దొంగయుద్దముతో వానరవీరులను చీల్చి చెండాడుతూ మోహనాస్త్రముతో అందరినీ పడగొట్టాడు. ఇంతలో సూర్యాస్తమయము అవడముతో యుద్దము ఆగింది. ఆ రాత్రి విభీషణుడు లాంతరు పట్టుకొని యుద్దభూమిలో ప్రాణాలతో వున్నవారిని గుర్తించేందుకు వెతుకుతున్నాడు. అతనికి జాంబవంతుడుకనిపించాడు. జాంబవంతుడు విభీషణుని చూడగానే ' ఆంజనేయుడు క్షేమమేనా ? ' అని అడిగాడు. విభీషణునికిఆశ్చర్యమువేసి ' తాతా ! నువ్వు శ్రీరాముడిని అడగలేదు. లక్ష్మణుని అడగలేదు. సుగ్రీవుడిని అడగలేదు. అంగదుడిని అడగలేదు. కానియింత మందిని అడగకుండా ముందుగా ఆంజనేయుడిని అడుగుతున్నావు యెందుచేత ?' అని అడిగాడు. అందుకు జాంబవంతుడు ' విభీషణా ! ఆంజనేయుడు ఒక్కడు క్షేమముగా వుంటే నువ్వు యిప్పుడు అడిగినవాళ్ళందరూ క్షేమముగా వున్నట్టే ! ' అన్నాడు. అంటే ఆంజనేయుడు క్షేమముగా వుంటే మనకు నిశ్చింతే అని చెప్పకనే చెప్పాడు.

ఈ సాధకుడి నమ్మకము యేమిటంటే యీ కలియుగములో ఆంజనేయస్వామి చిరంజీవిగా , సజీవముగా , సదేహముతో ఉన్నారు. ఆయన దేవతలందరి తరుపున వారి వారి భక్తులను గుర్తించి ఆ భక్తులకు వారి ఆరాధ్య దైవముల అనుగ్రహమును పొందేటట్టు చేస్తున్నారు. అనగా మనము యే దేముడిని కొలిచినా ఆంజనేయస్వామిని తలిస్తే మన ఆరాధ్య దేముడి అనుగ్రహము త్వరగా వస్తుంది.

ప్రతీ కుటుంభము వారికీ తరతరాలుగా యింటి దేవుడు ఒకరు ఉంటారు.ఆ దేముడిని యేవో పర్వ దినములలో మాత్రమే కాకుండా నిత్యమూ స్మరిస్తుండాలి.వినాయకుడితో మొదలు పెట్టి అందరు దేముళ్ళనూఒక్క సారి తలిచి మన ఆరాధ్య దేముడిని అందరికన్నా యెక్కువ సేపు తలచి ఆంజనేయస్వామిని ఒక్క సారయినాతలవాలి. యీ విధముగా 40 దినములు చేస్తే మన ఆరాధ్య దేముని అనుగ్రహ ధార మనపై ధారాళముగా ప్రవహిస్తుంది.

చాలామంది తమ యింటి దేముడిని ( యిలవేలుపుని ) మార్చివేయడమే కాకుండా ఆ మార్చిన దేముడీతోపాటు ఒకరుయిద్దరు దేముళ్ళనే అప్పుడప్పుడు అనగా సంవత్సరములో కొద్ది దినములు మాత్రమే తలుస్తున్నారు. తర తరాలుగా మన పూర్వులు కొలిచిన ఇలవేలుపుల అనుగ్రహము మన యింటిగుమ్మములోనే ఆగిపోతున్నాది. ఆఅంతులేని దైవీ సంపదను- మన పెద్దలను తృణీకరించడము ద్వారా, మన యిలవేలుపును వదలి వేయడము ద్వారాకోల్పోతున్నాము.

...గురుదేవులు శ్రీ ఆంజనేయస్వామి తననే తలచినవారిని తనే నడిపిస్తారు ! ఇది నిజం !

జై మారుతీ! జై జై మారుతీ !!
-

ఋషీకేశ్ లో 636 వ సుందరకాండ కధాగానము జరిగింది.

2010-05-30T14:09:00.008+05:30

అంతర్జాల మితృలకు నమస్కారము!
తేది 03-05-10 నుండి యీ రోజు(తేది 30-05-10)వరకు కలవనందుకు క్షంతవ్యుడిని. యీ సాధకుని ఆధ్యాత్మిక యాత్ర అంత సంతృప్తిగా లేకపోయినా సంకల్పము బలమైనది కనుక వృధాకాలేదు. హరిద్వార్ పూర్తిగా పర్యాటక కేంద్రముగా మారిపోయింది.

అసలు 1989 సెప్టెంబరు నెలలో మొట్టమొదటిసారి కేదార్నాథ్ , బదరీనాథ్ లు వెళ్ళేటప్పుడు ఆ పుణ్యభూమిని వదలి రావాలని అనిపించలేదు. చూసే ప్రతీ దృశ్యమూ దివ్యానుభూతియే! వేసే ప్రతీ అడుగూ గగుర్పాటే!

ఆ దివ్య క్షేత్రములో హరిద్వార్ , ఋషీకేశ్ , దేవ-ప్రయాగ , రుద్ర-ప్రయాగ , కర్ణ-ప్రయాగ, సోన-ప్రయాగ , నంద-ప్రయాగ( రెండు నదులు కలుస్తున్నప్పుడు ప్రయాగ అంటారు)మొదలయినవే కాకుండా ఉత్తర కాశీ , గుప్త కాశీ , గౌరీ కుండ్ , పంచ-కేదార్ , పంచ-బదరి , బదరీ వద్ద మానా గ్రామము వద్ద సరస్వతి నది అలకానంద లో కలిసే దృశ్యము , వ్యాస మహర్షి భారతము చెప్పుతుంటే వినాయకుడు వ్రాసినట్టుగా చెప్పబడే స్థలము , చైనా సరిహద్దుకు దగ్గరలోనున్న ఆఖరు పోస్టు ఆఫీసు , బదరీ నారాయణుడి ఆలయము వెనుకనున్న నీలకంఠ పర్వతమూ , బదరీకి వెళ్ళే త్రోవలో 10 కిలోమీటర్లముందు వున్న సంకీర్తన ఆంజనేయస్వామి దివ్య మంగళ విగ్రహమూ, యింకా యెన్నెన్నో దివ్యమైన స్థలములూ , పవిత్రతను పుణికి పుచ్చుకున్న ఆ దేవభూమిలో ఉన్నంతసేపూ తన్మయత్వముతో దివ్య లోకాలలో తేలిపోతున్న ఆనందమే! కేదార్నాథ్ , బదరీనాథ్ దేవాలయాలో కూర్చొని సంకీర్తన చేస్తుంటే ఉత్తరాదివారూ కూర్చొని పాల్గొనేవారు. భావనలూ , చర్యలూ పూర్తిగా దైవపరముగా ఉండేవి. ఆ దివ్య స్మృతులు జీవితాంతమూ పదిలపరచుకునేవారికి దైవానుగ్రహము కరతలామృతము.

ప్రతీ 4 సంవత్సరములకు ఒకసారి వెళ్ళే అదృష్టము 'స్వామి ' యిచ్చారు. రాను రానూ భక్తులు యెక్కువ అయ్యారు.సంవత్సరములో 6 మాసములు మాత్రమే అక్కడ వుండే అవకాశము కనుక భక్తులు యెక్కువ అయ్యేకొద్దీ వారి అవసరాలు తీర్చే స్థానికులు యెక్కువ అయ్యారు. స్థానికులు యెక్కువ అయ్యేకొద్దీ సహజ అరణ్యాల స్థానములో కాంక్రీటు అరణ్యాలు యెక్కువ అయ్యాయి. భక్తులతోపాటు పర్యాటకులు యెంత యెక్కువ అయ్యారంటే భక్తులకు పది రెట్లు అయ్యారు. దాంతో బాహ్య పరమయిన పవిత్రత కనుమరుగు అవుతున్నాది. పర్యాటకులు యెక్కువ అయ్యారు. జనాలూ , కాంక్రీటు వనాలూ యెక్కువ అవడమువలన పర్యావరణము పూర్తిగా దెబ్బతిన్నాది. కాలుష్యము విపరీతముగా పెరిగిపోయింది. స్థానికుల నివాసాలనుండీ , వ్యాపార కేంద్రాలనుండీ వ్యర్ధాలు పవిత్ర గంగలోనే కలుస్తున్నాయి. ఆధ్యాత్మిక కెంద్రాలు పర్యాటక కేంద్రాలుగా మారిపోయాయి. ఎప్పుడూ చల్లగా వుండే అక్కడ ఎండలు మండిపోతున్నాయి. .. అందుచేత దేవభూమిలో కలగవలసిన ఆధ్యాత్మిక భావాల బదులు లౌకిక భావాలు కలిగే పరిస్థితి ప్రస్థుతము నెలకొన్నది.

20 సంవత్సరముల క్రిందట కేదార్నాథ్, బదరీనాథ్ లకు వెళ్ళే దారులు మూసుకుపోతాయి, ఆ తరువాత భవిష్య బదరి , భవిష్య కేదార్ లలో మాత్రమే దర్శనము లభిస్తుంది అనేవారు. అలా జరిగినా బావున్ను.

అయితే యీ పరిణామాలకు మానసికముగా సిద్ధపడి వెళ్ళడము వలననూ , మన ఊర్లలో లౌకిక ప్రపంచములో మానవ నిర్మితమైన దేవాలయాలకు వెళ్ళేటప్పుడూ మరియు దైవ కార్యాలు చేసేటప్పుడూ ప్రశాంతతను , యేకాగ్రతను పొందే సాధన వలననూ ఋషీకేశ్ లో శ్రీ శివానంద ఆశ్రమములో వసతి భోజన సదుపాయములు లభించడము వలననూ అక్కడ వున్న 4 దినములు అద్భుత సాధన జరిగింది. నది ఒడ్డున స్వామి విగ్రహము వద్దా, ఆశ్రమములో చెట్ల క్రిందా వాద్య సహకారము లేకుండా '636 వ సుందరకాండ కధాగానము జరిపగలిగే అదృష్టము కలిగింది. ఆశ్రమములో గురు కుటీరములో సంధ్య హారతికి ముందు ఆశ్రమ వాసులతో కలిపి సంకీర్తన చేసే అవకాశము కలిగింది. శ్రీ శివానంద ఆశ్రమములో ఆశ్రమ పద్దతులు , నియమావళి చాలా చక్కగా వున్నాయి. బయట ప్రపంచము యెంత మారిపోయినా ఆ ఆశ్రమవాసులు మారకపోవడము చాలా గొప్ప విషయము!

ఇక హరిద్వార్ లో ప్రశాంతతకు అవకాశము లేదు. గంగా హారతికి ప్రతీ రోజు సాయంత్రము 10 వేలకు పైగా భక్తులు హాజరు అవుతున్నారు. అ రద్దీ తగ్గడానికి గంటకు పైగా సమయము పడుతున్నాది.

హరిద్వార్ నుండి వచ్చిన తరువాత మనసుకు కష్టము అనిపించి వారము దినములు యిల్లు కదలలేదు. ఆ తరువాత కార్యక్రమములు ,నైతిక బాధ్యతలు వల్ల తీరిక దొరకలేదు.

గురుదేవులు శ్రీ ఆంజనేయస్వామి దయతో మళ్ళీ కలుస్తాను.

జై మారుతీ! జై జై మారుతీ!!

హరి ద్వార్ , ౠషీకేశ్ లలో సాధన!

2010-05-03T00:10:00.003+05:30

హరి-హరుల స్థావరాలకు ( కైలాస ,వైకుంఠములకు ) ద్వారమైన హరిద్వార్ నకు - భగీరధుడు భగీరధ ప్రయత్నముతో ధరణికి తెచ్చిన గంగోత్రితో కలసి మందాకినీ , అలకానంద నంద , పిండర గంగ మొదలైన పుణ్య నదులు సంగమముగా యేర్పడి హిమాలయములపైనుండి భూమి మీదకు పరవళ్ళు త్రొక్కుచూ ప్రవహించే పుణ్య క్షేత్రములైన ఋషీకేశ్ ,హరిద్వార్ లలో ఒక వారము దినములు భక్తి పారవశ్యముతో భగవత్ సాన్నిధ్య దివ్యానుభూతిని పొందుటకు తేది 03-05-2010 న బయలుదేరుతున్నాము.

గురుదేవులు శ్రీ ఆంజనేయస్వామి దయతో ఈ సాధకుడు యిప్పటికి నాలుగుపర్యాయములు కేదార్ నాథ్ , బదరీ నాథ్ వెళ్ళటమువలన యెంతో ఆధ్యాత్మిక శక్తిని తెచ్చుకున్నాడు.

ఏవిధముగా అంటే - హిమాలయా పర్వతాలలో జనారణ్యానికి దూరముగా ఆ లోయలలో , పర్వతాలలో వారము దినములు ప్రయత్నించినా వారిని చేరలేని ప్రదేశాలలో యెంతోమంది తపస్సు చేసుకుంటున్నారు. వారు ప్రతీ దినము మూడు సంధ్యలలో ఆపూట చేసిన తపస్సు ద్వారా వచ్చిన ఫలితములో కొంత భాగాన్ని లోక కళ్యాణముకై తర్పణములు వదలుతారు. అటువంటి పుణ్యాత్ముల చుట్టూ వారి తపశ్శక్తి వలయాలు ఎంతో దూరానికి విస్తరిస్తుంటాయి.

ఆ శక్తి వలయాలు వారి తపశ్శక్తినిబట్టి చాలా కిలోమీటర్లవరకు వ్యాప్తి చెందుతుంటాయి. అటువంటి శక్తి తరంగాల పరిధిలోనుండే మనము ఆ ప్రదేశాలలో తిరుగుతుంటాము. వారు ఎవరో మనకు తెలియకపోయినా మన ప్రార్ధనబట్టి వారి అనుగ్రహమును మనము పొందవచ్చును.

ఇప్పుడు పూర్వజన్మ సుకృతముకొద్దీ యీ సాధకుడు ఒక వారముదినములు ఆ పుణ్య క్షేత్రములలో సాధనకై వెళ్ళగలుగుతున్నాడు. స్వామీ రక్ష ! శ్రీరామ రక్ష !!

జై మారుతీ! జై జై మారుతీ !!

తేది 20-04-2010 న సుందరదాసు M.S.రామారావుగారి 18వ వర్ధంతి సంధర్భముగా 635వ సుందరకాండ కధాగానముతో నివాళులు!

2010-05-01T00:28:00.007+05:30

ఆంధ్ర లోకమును తన సుందరకాండ గానముతో 1975 నుండి
17 సంవత్సరములపాటు ఉర్రూతలూగించిన
' సుందరదాసు M.S.రామారావుగారు '
తన 72వ సంవత్సరములో అనగా తేది 20-04-1992 న
వైకుంఠధామమును చేరారు.

'సుందరకాండ 'అనే పదము వినగానే ఆయనే జ్ఞాపకము వస్తారు.
మృదు మధురమైన పదములతో రచించడమే కాకుండా

హృదయాలకు హత్తుకునే రాగములతో స్వరపరచి గానము

చేయడము అనన్య సాధ్యమైనది. ఆయన నమ్మిన
'గురుదేవులు శ్రీ ఆంజనేయస్వామి'

దగ్గరవుండి ఆయనచేత వ్రాయిస్తే గాని అంత ఆకర్షణ రాదు. 'ఇది నిజము!

'రుక్షుడు 'అనే ఆటవికుడు సప్త మహా ఋషుల చేత ' తారక మంత్రము '
ఉపదేశింపబడి వాల్మీకిగామారి ' బ్రహ్మదేవుడిచేత ఆదేశించబడి

'సంస్కృతములో రామాయణమును రచించాడు.

ఆదికావ్యమైన ఆ రామాయణము పండితులకే గాని పామరులకు అందలేదు.
అందుచేత 'వాల్మీకినే ''తులసీదాసుగా' పంపించి అవధి (హిందీ ) భాషలో
రామాయణమును రచింపచేశారు. అదిఉత్తరాదివారికి మాత్రమే అందింది.

తెలుగువారి(మన) పుణ్యము చేత

తులసిదాసుగా అవతరించిన వాల్మీకి
మోపర్తి సీతారామారావు గా అవతారమెత్తి

సుందరకాండతో మొదలు పెట్టి (యుద్ధ కాండలో సగము

వరకు ) రామాయణము వ్రాశారు.
ఇది యీ సాధకుని అనుభూతి!

' రాముడు వదలిన బాణములా నూరు యోజనముల
సముద్రమును దాటి లంకకు వెళ్ళిసీతమ్మను వెతుకుతాను '

అన్న హనుమ ( సుందరకాండలోని )మొదటి మాటలను ప్రేరణగా

తీసుకొని M.S. రామారావుగారు 'శ్రీ హనుమాను గురుదేవులు
నా యెద పలికిన సీతా రామకధా! నే పలికెద సీతారామకధా !'

అన్నారు. ఇంకా నలుగురు భక్తితో ఆలకించగా ,

'నలుగురు భక్తితో ఆలపించగా ' అంటూ
యెందరో తన సుందరకాండను గానముచేసుకోవచ్చును అని తెలిపారు.

అంతే కాదు ఆయన తన స్వ హస్తాలతో యీ సాధకునికి
తేది11-09-1978 న ఆశీస్సులతో సుందరకాండ పుస్తకమును యిచ్చారు.

గురుదేవులు శ్రీఆంజనేయస్వామి దయతో యీ సాధకుడు

తేది 30-03-1995 న సుందరకాండ కధాగానము ప్రారంభించి

M.S. రామారావుగారి 18 వ వర్ధంతి నాడు అనగా
తేది 20-04-2010 న తూర్పుగోదావరి జిల్లాలో ,అనపర్తి మండలములో,

పొలమూరు గ్రామములో, శ్రీ షిరిడీ సాయి మరియు శ్రీఅయ్యప్ప దేవాలయముల

10 వ వార్షికోత్సవ సంధర్భముగా 635 వ సుందరకాండ గానముతో

' సుందర దాసు M.S.రామారావు గారికి నివాళులు

అర్పించగలగడము ' మహద్భాగ్యముగా భావిస్తున్నాడు.

జై మారుతీ! జై జై మారుతీ !!

మానవుడు 12 సంవత్సరాలలో జీవన్ముక్తిని పొందగలడు.

2010-04-19T01:50:00.004+05:30

మనము భగవంతునికి చేసే పూజలు , నోములు , వ్రతములు , జపములు , తపములు ఫలించి జీవన్ముక్తిని పొందుటకు ద్వాదశాబ్దము లేక పుష్కర కాలము పట్టును. అనగా 12 సంవత్సరముల నిరంతర సాధన మనకు ముక్తిని ఇప్పించును.

అయితే 12 సంవత్సరముల కాలము నిర్ణయించబడేది , లెక్కించబడేది మన కొలమానముతో కాదు. భగవంతుని వద్ద ఉన్న మన ఆధ్యాత్మిక జీవన చిట్టాలో యీ కాలము లెక్కించబడును.

ఒక దినములో ఉన్న 24గంటలలో యెన్ని నిముషములు మనము ధ్యానములో లయమునొంది ఉందుమో అన్ని నిముషములే భగవంతుని వద్ద నున్న మన చిట్టాలో చేర్చబడును. అటువంటి 60 నిముషములు కలిసి ఒక గంట అగును. అలాంటి 24గంటలు ఎప్పుడు పూర్తి అగునో అప్పటికి (మనము అనుష్టానములో ప్రవేశించి ఎన్ని సంవత్సరములు అయిననూ) భగవంతుని వద్ద ఉన్న మన ఆధ్యాత్మిక జీవన చిట్టాలో ఒక దినము మాత్రమే అగును. అటువంటి 30 దినములు ఒక నెల అగును. అటువంటి 12 నెలలు చేరినప్పుడు ఒక సంవత్సరము ఆగును. ఆ విధముగా 12 సంవత్సరములు పూర్తీయినప్పుడు మనకు జీవన్ముక్తి కలుగును.

ఎంత తీవ్ర నిష్ఠతో శ్రద్ధ కలిగి అనుష్ఠించినవాడైననూ ఒక జన్మములో ఆ 12 సంవత్సరములు పూర్తిచేయజాలడు. అందుకు భగవంతుడు తనను చేరుకోడానికి 7 జన్మలను మనకు ప్రసాదించాడు. ఆ 7 జన్మలలో మనది ఇప్పుడు ఎన్నో జన్మమో !

భగవంతుడు సృష్టించిన కోట్లాది జీవరాసులలో మానవ జన్మ ఉత్కృష్ఠమైనది , దుర్లభమైనది. మానవ జన్మ పొందిన మనకు మన జన్మ విలువ తెలియదు. మనకు తెలియనంతమాత్రాన దాని గొప్పదనము పోదు.

పుణ్యకార్యములు చేసి స్వర్గమునకు వెళ్ళి దేవతలు అయినవారు ఆ పుణ్య ఫలము అయిపోగానే జన్మ రాహిత్యాన్ని , జీవన్ముక్తిని , మోక్షమును పొందాలంటే మళ్ళీ మానవ వారు మళ్ళీ మనవ జన్మనెత్తి ప్రయత్నించుకోవలసినదే ! అంత గొప్ప జన్మ యీ మానవ జన్మ !

ఒక దినములో యెక్కువ కాలము నిద్రలోనూ , కాలకృత్యములలోనూ , నైతిక బాధ్యతల నిర్వహణలలోనూ , తక్కిన కాలము వృధాగానూ మనము గడుపుతున్నాము. కనుక 12 సంవత్సరముల కాలమును త్వరగా పూర్తిచేసుకునే ప్రయత్నము కనీసము యిప్పటినుండయినా ప్రారంభిస్తే యీ జీవితానికి సార్ధకత ఉంటుంది!

జై మారుతీ ! జై జై మారుతీ !!

635 వ సుందరకాండ కధాగాన కార్యక్రమము.

తూర్పు గోదావరి జిల్లాలో , అనపర్తి మండలములో , పొలమూరు గ్రామములో తేదీ 20-04-2010 మంగళవారము నుండి తేదీ 27-04-2010 27-04-2010 మంగళవారము వరకు 8 దినములు ప్రతీ రోజు సాయంత్రము 6.30 గంటలనుండి 8.30 గంటల వరకు గురుదేవులు శ్రీ ఆంజనేయస్వామి వారి దయతో 635 వ సుందరకాండ కధాగానము జరుగును. ఈ కార్యక్రమము సందర్భముగా సామూహిక శ్రీ రామ కోటి లిఖిత యజ్ఞము జరుగును.

అందరూ ఆహ్వానితులే !

దేముడి అడుగుజాడలు

2010-04-16T00:16:00.004+05:30

అనంత సాగర తీరం మీద ' మనిషి ' నడుస్తున్నాడు. వేల మైళ్ళు గడచినా తరగని ప్రయాణము. అప్పుడప్పుడు వెనుతిరిగి తాను నడిచిన త్రోవను చూస్తున్న మనిషికి ఆశ్చర్యము అనిపించింది. కారణం.? ...దారిపొడవునా మనిషికి రెండు జతల కాలి జాడలు కనిపించాయి. సముద్ర తీరముమీద రెండు జతల కాలి జాడలను చూసిన మనిషి .. .' నాతో పాటు దేముడు కూడా నడుస్తున్నాడు. ఆయనవే ఈ పాద ముద్రలు ' అనుకున్నాడు

కొంత దూరము తర్వాత మనిషికి కష్టాలు యెదురయ్యాయి. .. బాధలు భయపెట్టాయి... నీరసము ఆవహించింది... నిస్పృహ అమలుకొంది... తూలిపోతూ నడక సాగించిన మనిషి ...తాను నడుస్తున్నాననే స్పృహకూడా కోల్పోయాడు. అలాంటి స్థితిలో మనిషి మళ్ళీ వెనుతిరిగి చూశాడు. అప్పుడు కేవలం ఒక్క జత పాద ముద్రలే కనిపించాయి. దేముడినే పూర్తిగా నమ్ముకొని ఉన్నా కష్ట సమయములో దేముడు తనతో నడవడము లేదనీ , తన రక్షణను గాలికి వదలేశాడనీ మనిషి బాధ పడ్డాడు.

అంత వరకు అదృశ్యంగా అతనితో పాటే నడచిన దేముడు ప్రత్యక్షమయ్యాడు. ' ఆనందంతో ఆరోగ్యంతో నడిచినంత వరకు తాను అతనితోపాటే నడిచాననీ , కళ్ళు తిరిగి తూలిపోయిన మరు క్షణములో మనిషిని తన చేతులతో యెత్తుకొని నడుస్తున్నాననీ , ఇప్పుడు కనిపిస్తున్న ఒక్క జత అడుగుజాడలు తనవేననీ ' దేముడు చెప్పాడు.

....... కరిగి కన్నీరయిన మనిషి దేముడి పాదాలను చుట్టుకున్నాడు.

(----- తేది 17-01-1999 ఆదివారము ఈనాడు లొని 'ఇది కధ కాదు ' సౌజన్యముతో .)

******

గురుదేవులు శ్రీ ఆంజనేయస్వామి దయతో 634 వ సుందరకాండ కధాగానము.

తేది 17-04-2010 శనివారము విశాఖపట్నములో , సీతమ్మధార వద్ద , H.B. కోలనీలో , గాయత్రీ దేవి ఆలయ సమీపములో , లక్ష్మీ అపార్టుమెంట్సు యెదురుగా D.no. 55-23-57 లో గల శ్రీ V రాఘవరావు గారి యింటిలో యీ సాధకునిచే 'అభినయ పూర్వక , వ్యాఖ్యాన సహిత 634వ సుందరకాండ కధాగానము ' సాయంత్రము 6.00 గంటలకు ప్రారంభింప బడును.

శ్రీ రామ శ్శరణం మమ !!

తేది 14-04-2010 న భారత రాజ్యాంగ నిర్మాత అయిన డాక్టరు అంబేద్కర్ మహాశయుల జయంతి సందర్భముగా నివాళులు.

2010-04-12T23:54:00.004+05:30

బ్లాగును చూడండి
భారత దేశము పరపాలన నుండి విముక్తి చెందిననాడు దేశీయమైన చట్టాలు

చేయవలసి వచ్చింది. అప్పుడు పెద్దలు 'పరాశర మహర్షి ' వంశీయుడైన

డాక్టరు అంబేద్కర్ మహాశయులను అర్ధించారు.

ఈ సంధర్భములో " హిందువులకు వేదాలు కావలసినప్పుడు కులహీనుడైన

వ్యాసుడిని ఆశ్రయించారు. మహాకావ్యము కావలసినప్పుడు అస్పృశ్యుడైన

వాల్మీకిని కోరారు. ఇప్పుడు రాజ్యాంగము కావలసినప్పుడు నాకు

కబురంపారు " అన్న అంబేద్కరు ప్రవచనము పాఠకలోకానికి ప్రత్యక్ష

ప్రమాణము.

--- ఈ సాధకుని నాన్నగారి " విజ్ఞాన భాస్కరము" లో 1984 న

సేకరించబడినది.

జై మారుతి ! జై జై మారుతి !!

భగవన్నామ సంకీర్తన ప్రభావము. (శ్రీ కుసుమ హరనాథ మహా ప్రభు)

2010-04-09T23:40:00.005+05:30

* భగవంతుని యొక్క నామసంకీర్తనములో నీవు పాల్గొనుట వలన అచేతనముగనే నీయందు ప్రభునామ విద్యుచ్చక్తి ప్రవేశించి నీకు ఎనలేని ఆనందము కలిగించును.

* భగవన్నామము చేయునప్పుడు రధము వంటి నీ మనస్సు కోరికలనెడి వందలాది అశ్వములచే లాగబడినప్పటికీ తిరిగి భగవన్నామమనెడు కళ్ళెములచే బంధింపబడును. అందువలననే నీవు జపమాలను ఉపయోగించవలెను.

* అమృతతుల్యమైన " కృష్ణ" నామమును వీడకుము. ప్రాకృతమైన విధులను శ్రద్ధా భక్తులతో పూర్తిచేయుట నీ ధర్మము. ఈ ధర్మమును నిర్వర్తించి అవకాశము కలిగినప్పుడు ప్రభునామ జప , సంకీర్తన , గోష్ఠులలో కాలము గడుపుము. నీవు పొందు ఆనందము విలువ కట్టలేనిది.

* భగవన్నామము వలన సర్వులు ప్రేమమయులై మనవారు అగుదురు. మనము "ఆ జగత్ప్రభువుని వారగుదుము " . ఏ మతము యొక్క సారాంశమైననూ భగవన్నామమే ! భగవనామమును గురించి చెప్పని మతము లేదు.

* నామమును నామమాత్రముగా స్వీకరించకు. నీవు గ్రహించు నామము భగవంతునిది అని గ్రహించి నీ మనస్సు దానియందు లగ్నము చేయుము.

* భగవనామమనెడి విత్తనముచే సత్యగుణమనే మొక్క మొలిచి భక్తియనెడు ఫలము పొందగలము. భక్తి యనెడు మధుర ఫలము వలన ప్రేమ కలుగును. అదియే ప్రేమ స్వరూపమగు ప్రభువు అని గ్రహింపుము.

* భగవన్నామే ఒక మహా మంత్రమైనప్పుడు మరింకేవో మంత్రములున్నవని అనుకొనుట మన మనోదౌర్బల్యము.

* నామ సంకీర్తన నామ జపము వలన నీయందు నిష్కామ ప్రేమ జనించి భగవత్ సాక్షాత్కారము కలుగును.

-- శ్రీ కుసుమ హరనాధ ప్రభు .

( తేది 20-09-96 స్వాతి సపరివార పత్రిక సౌజన్యముతో )

--- తేది 10-04-2010 సాయంత్రము విశాఖ లో m.v.p. కోలనీలో పైలాను నుండి d.r.d.a. ఆఫీసు త్రోవలో సాయి కృప అపార్టుమెంటులో శ్రీమతి ఇందిర గారి గృహములో 633 వ సుందరకాండ కథా గాన కార్యక్రమము సాయంత్రము 6.30 గంటలకు ప్రారంభమవును.

జై మారుతీ ! జై జై మారుతీ !!

good friday శుభ శుక్రవారము.--గగనము చీల్చుకొని నీవు దిగి వచ్చెదవు గాక !

2010-04-02T16:01:00.009+05:30

గగనము చీల్చుకొని నీవు దిగి వచ్చెదవు గాక !

నీ సన్నిధిని పర్వతములు తత్తరిల్లును గాక !
నీ శతృవులకు నీ నామమును తెలియజేయుటకై .... అగ్ని - పొదలను కాల్చు రీతిగాను, నీళ్ళను పొంగజేయు రీతిగాను ...

నీవు దిగి వచ్చుదువు గాక !

జరుగునని మేము అనుకొనని భయంకరమైన క్రియలు నీవు చేయగా అన్యజనులు నీ సన్నిధిని కలవరపడుదురు గాక !

నీవు దిగి వచ్చెదవు గాక !

తన కొరకు కనిపెట్టువాని విషయమై నీవు తప్ప తన కార్యము సఫలము చేయు మరి ఏ దేవునిని ఎవడు ఏ కాలమునా చూచియుండలేదు. అట్టి దేవుడు కలడన్న సమాచారము మనుష్యులకు వినబడలేదు.

గగనము చీల్చుకొని నీవు దిగి వచ్చెదవు గాక !

-- యెషయా 64: 1-4

***

మేమందరము అపవిత్రులవంటి వారమయితిమి.
మా నీతి క్రియలన్నియు మురికి గుడ్డ వలెనాయెను.
మేమందరము ఆకువలె మాడిపోతిమి.
గాలివాన కొట్టుకొని పోవునట్టుగా మా దోషములు మమ్ము కొట్టుకొని పోయెను.
నీ నామమను పట్టి మొరపెట్టు వాడొకడును లేక నిన్ను ఆధారము చేసికొనుటకై తన్ను తాను ప్రోత్సాహపరచుకొను వాడొకడున్ లేడు.

--యెషయా 64: 6-8

[తేది 05-07-1996 ఆంధ్రజ్యోతి సచిత్ర వారపత్రిక లోని ' అభిమతము ' సౌజన్యముతో ]

మాతృ దేవో భవ ! పితృదేవో భవ !! ఆచార్య దేవో భవ !!!

---- కొమ్మూరు ఉమాప్రసాద్ భాగవతార్

తేది 24-03-2010 శ్రీరామనవమి నాటికి 19 కోట్ల, 17 లక్షలకు పైగా శ్రీరామనామముల సేకరణ గురుదేవులు శ్రీ ఆంజనేయస్వామి దయవలన పూర్తి అయినవి. ..... ఒక సాధకుని ఆత్మ కధ -6 .

2010-03-28T14:56:00.019+05:30

నిరంతరము శ్రీ రామ మంత్రమును జపిస్తూ ఉండే పరమేశ్వరుడు కాశీకి వచ్చిన భక్తులు చనిపోతుంటే వారి చెవిలో శ్రీరామనామమును పలికి వారికి మోక్షమును సుగమమును చేస్తాడు. ఆ పార్వతీ పరమేశ్వరుడు అనుగ్రహించాడేమో ?

నిరంతరము హనుమాన్ చాలీసాను, శ్రీరామ నామమును భక్తుల చేత పలికిస్తున్నందుకు అసాద్య సాధక సాధనపరుడైన గురుదేవులు శ్రీ ఆంజనేయస్వామి దయ కలిగిందో ?

దైవ స్వరూపులయిన శ్రీమాన్ శ్రీభాష్యం అప్పలాచార్యస్వామివారి వాత్సల్య పూరిత మంగళాశాశనముల వలననో ?

ప్రత్యక్ష దైవములయిన మా అమ్మగారు కీ.శే. వెంకటరత్నముగారు మరియు మా నాన్నగారు కీ. శే. భాస్కరరావుగారుల ప్రేమపూరిత వాత్సలముల వలనో ?

-- యీ సాధకునికి అనన్య సామాన్యమయిన అసాధ్యమయిన సామూహిక శ్రీరామనామ లిఖిత జపము సాధ్యపడినది.

ఈ సాధకునికే ఆశ్చర్యముగా వింతగా మొత్తము 21 కోట్లు శ్రీరామ నామములు సేకరించబడినా అందులో 2 కోట్లు నామములలో స్పష్టత లేదు. చాలామంది సముద్రపు అలలలాగానో లేక ఉత్తి సున్నాలనో వ్రాశారు. అవన్నీ తీసివెయగ

19 కోట్లు శ్రీరామ నామములు

పూర్తి అయినాయి.

పందొమ్మిది వందల ఎనభై ఆరవ సంవత్సరము జనవరిలో సామూహిక శ్రీరామకోటి లిఖిత యజ్ఞము ప్రారంభమయ్యింది. అప్పటినుండి రెండు వేల నాల్గవ సంవత్సరము వరకు మొత్తము పదమూడు కోట్ల శ్రీరామనామములు సద్వినియోగమయిన వివరములు:-

విశాఖలో, కొత్త వెంకోజీ పాలెమునందు శ్రీ జ్ఞానానంద ఆశ్రమములో 5 కోట్లు శ్రీరామనామములు 15 అడుగుల శ్రీరామకోటి స్థూపమునందు నిక్షిప్తము జరిగినవి.

విశాఖ , బర్మా కేంపులో ఒక కోటి శ్రీరామనామములు శ్రీ సీతారామ విగ్రహముల ప్రతిష్ఠ సమయములో నిక్షిప్తము చేయబడినాయి.

విశాఖ, రైల్వే న్యూకోలనీ లోగల పరదేశ రామాలయమునందు ఒక కోటి శ్రీరామనామములు అంకితమయినాయి.

విశాఖ ,పెందుర్తి సాధు ఆశ్రమము నందు హృదయములో శ్రీ సీతా రామ లక్ష్మణులు గల, 25 అడుగుల శ్రీ ఆంజనేయస్వామి విగ్రహ హృదయ స్థానములో ఒక కోటి శ్రీరామనామములు నిక్షిప్తము చేయబడినవి.

విశాఖ, అల్లిపురము వద్ద శ్రీ వేంకటేశ్వర మెట్ట యందు గల హరే రామ మందిరములో 4.5 కోట్లు శ్రీ రామ నామములను మందిరము అభివృద్దికి ఉంచితే విగ్రహ ప్రతిష్ఠాపన సమయములో నిక్షిప్తము జరిపించిరి.

ఒక భక్తులు కోటి శ్రీరామనామములు వ్రాద్దామనుకున్నారు కానీ వ్రాయలేకపోయారు. ఏభై లక్షల వరకు వ్రాయగలిగారు. భద్రాచలము వెళ్తున్నాను మీరు 50 లక్షల శ్రీరామనామములు యిస్తే రామయ్యకు కైంకర్యము చేస్తానని అడిగారు. ఆయన ఆర్తి, ఆయన వయస్సు చూసి 50 లక్షల శ్రీరామనామములు ఆయనకు యివ్వడము జరిగింది.

మొత్తము 13లక్షల శ్రీరామనామములు రామయ్యకు కైంకర్యము అయినాయి.

ప్రస్ఠుతము 6 కోట్లు శ్రీరామనామములు ఉన్నవి.

[S.K అనగా సుందరకాండ అనియు, అంకెలు శ్రీరామనామముల సంఖ్యలనియు గమనించమని కోరిక.]
[ శ్రీరామనామములు]
01/05 విశాఖ.శాంతి ఆశ్రమములో. ............................. S.K. 487--- 4,00,000.
03/05 విశాఖ జగన్నాధస్వామి ఆలయం ....................... S.K. 491--- 4,00,౦౦౦.
03/05 చాగల్లు.[wg]షుగర్ ఫేక్టరీ ................... S.K. 493--- 21,80,౦౦౦.
04/05 విశాఖ.మర్రిపాలెం NH5 ................................... S.K. 496--- 3,00,౦౦౦.
05/05 మడపాం.SKLM.Dt,[175అ.హనుమ] .............. S.K. 499---24,00,౦౦౦.

07/05 గొల్లల మామిడాడ.రామాలయం.[E.G ] ................. S.K. 505--- 7,20,౦౦౦.
08/05 అనపర్తి.శ్రీ సాయి,శ్రీరామ మందిరం.[E.G] .............. S.K. 506-- 14,00,౦౦౦.
09/05 విశాఖ.శ్రీ కన్యకా పరమేశ్వరీ ఆలయం. ..................... S.K. 508---3,00,౦౦౦.
11/05 విశాఖ.కైలాసపురం. శ్రీరామ,వేంకటేశ్వర ఆలయం. ...... . S.K 514--- 3,00,౦౦౦.
11/05 తాపేశ్వరం.ఉమా రామలింగేశ్వర ఆలయం [E.G] .......... S.K515--- 5,00,౦౦౦.

01/06 భద్రాచలం.శ్రీ సీతా రామచంద్రమూర్తి ఆలయం. ..............S.K---516--5,00,౦౦౦.
02/06 విశాఖ.శాంతి ఆశ్రమం. ........................................... S.K 518--- 1,00,౦౦౦.
04/06 విశాఖ.రాజీవ్ నగర్.రామ ఆలయం. .........................SK 524---. 15,00,౦౦౦.
04/06 విశాఖ.శ్రీ వైభవ వేంకటేశ్వరస్వామి ఆలయం. ............... S.K525---. 6,00,౦౦౦.
05/06 అనపర్తి. E.G శ్రీ ఆంజనేయరెడ్డి కళ్యాణమండపం. ..........S.K 530---. 3,20,౦౦౦.
05/06 జగదల్ పూర్. [చత్తీశ్ ఘడ్ ] రుద్రయాగం.--- .................................... 70,000 .
06/06 శ్రి వేంకటేశ్వర రావు గారి యిల్లు. ................................. S.K 531--- 1,00,000.
09/06 నేలకొండపల్లి. శ్రీ భద్రాచల రామదాసు గారి స్వగృహము. ..... .S.K 545- 6,30,000.
10/06 విశాఖ. మురళీ నగర్. అమ్మ రెసిడెన్సీ ......................... S.K 548--- 6,50,000.
11/06 జియ్యమ్మ వలస.[VZM జిల్లా]. ................................. S.K 550-- 12,75,000.
111/06 నరసన్నపేట.శ్రీకాకుళం జిల్లా. పంచాయత్ ఆఫీస్సులో .........S.K 551- 20,00,000.
12/06 కొత్తూరు. శ్రీకాకుళం జిల్లా.వేంకటేశ్వరస్వామి ఆలయములో..S.K553--- 25,50,000.
2007 లో చాగల్లు.W.G. షుగర్ ఫేక్టరీ. .......................... S.K561--- 7,00,000.
2007 లో భీమిలి.విశాఖ జిల్లా. సుందర వనము ఆశ్రమము. . .......... S.K565--- 5,00,000.
2007 లో రాయఘడ్.[ఒరిస్సా] శ్రీ వేంకటేశ్వరస్వామి ఆలయం. ....... S.K 567--.-9,50,000.
2007 లో విశాఖ.వడ్లపూడి కోలనీ. శ్రీ వెంకటేశ్వరస్వామి ఆలయము... S.K 560---5,00,000.
2007 లో కోటబొమ్మాళి. శ్రికాకుళం జిల్లా. కళ్యాణమండపం. ............... S.K -------9,00,000.
2008 లో ఖమ్మం. శ్రీ వేంకటేశ్వర ఆలయం.----------------------------------- - 5,30,000.
2009 లో విశాఖ. మురళీనగర్. స్కేటింగ్ పార్కు.. ------------------- S.K618--- 9,00,000.
2009 లో. విశాఖ. నడుపూరు.శ్రీ రామ ఆలయము.----------------- . S.K 619---2,00,000.
2009 లో భీమవరం. W.G శ్రీ రామ ఆలయము. . .................... S.K 620---5,00,000.
2010 లో వడ్లపూడి కోలనీ. శ్రీ వేంకటేశ్వరస్వామి ఆలయము. ....... s.k 632--- 5,00,000.

పై కార్యక్రమములలో సేకరించబడినవి మొత్తము -- 2కోట్ల, 53లక్షల, 75వేలు.

ఇంటివద్దకు వచ్చి పుస్తకములు తీసుకొని వ్రాసి యిచ్చినవారూ,

వారు వ్రాసినవి తెచ్చి యిచ్చినవారివీ కలిపి -3కొట్ల, 63లక్షల, 49వేల, 713.

మొత్తము 6కోట్ల ,17లక్షల, 24వేల,

713 నామములు ప్రస్ఠుతము ఉన్నవి.

ఇన్ని చేయించిన స్వామి యీ శ్రీరామనామములను యెవరి ద్వారా, యెక్కడ సద్వినియోగము చేయిస్తారోనని యీ సాధకుడు యెదురు చూస్తున్నాడు.

జై మారుతీ! జై జై మారుతీ !!
స్వామి రక్ష ! శ్రీరామ రక్ష !!

శ్రీరామ రక్ష ! సర్వ జగద్రక్ష !!

మాతృ దేవో భవ ! పితృ దేవో భవ !! ఆచార్య దేవో భవ !!!

శ్రీరామనవమి సందర్భముగా పూర్తి అయిన 632వ సుందరకాండ కధాగానము.

2010-03-24T01:04:00.006+05:30

విశాఖలో , వడ్లపూడి కొలనిలో , శ్రీ వేంకటేశ్వరస్వామి వారి మరియు శ్రీ రామచంద్రస్వామి వారి ఆలయములో తేది 16-03-2010 న ప్రారంభమయిన 632 వ సుందరకాండ కధాగానము యీ రోజున అనగా తేది 23-03-2010న పూర్తి అయినది.
యీ 8 దినములలో భక్తులనుండి ' 5 లక్షలకు పైగా శ్రీరామ నామములు సేకరింపబడినవి సుందరకాండ పూర్తి అవగానే శ్రీరామ నామములు వ్రాయబడిన పుస్తకములకు ఆలయ అర్చకులచే ముందుగా సంప్రోక్షణ చేయించి , మంచి ముత్యములతో అర్చన చేయించి , యీ రోజు కార్యక్రమమునకు వచ్చిన వందలాది భక్తులు అందరికీ ఒక్కొక్క మంచి ముత్యము అందజేయడము జరిగినది.
ఆ ముత్యమును శరీరమునకు తాకినట్టుగా ధరించమని చెప్పడము జరిగినది.ఆ సందర్భముగా పంచ లోహములతోను మరియు నవ రత్నములతోను చేయబడిన ఆభరణములు శరీరానికి తాకినట్టుగా ధరించవలెనని చెప్పడం జరిగినది.

సుందరకాండ కధ గానము సందర్భముగా శ్రీ రామ అపచార దోష నివృత్తికై ప్రతి కుటుంబము వారిచే 5అరటి పళ్ళను శ్రీ సీతా రాములకు నివేదన చేసి వాటిని ప్రసాదముగా తీసుకోవడము జరిగినది.

అందరికీ శ్రీరామనవమి శుభాకాంక్షలతో........

జై మారుతీ ! జై జై మారుతీ !!

స్వామి రక్ష ! శ్రీరామ రక్ష !!

శ్రీరామ రక్ష ! సర్వ జగద్రక్ష !!

మహా మనీషి , సద్గురువులకు గురువు, శ్రీమాన్ శ్రీభాష్యం అప్పలాచార్యస్వామి వారి 88 వ జయంతి శ్రీరామనవమి నాడే!

2010-03-23T01:18:00.005+05:30

ప్రవచన శిరోమణి , ఉభయ వేదాంత ప్రవక్తకులు , మహా మహోపాధ్యాయులు , దైవాంశ సంభూతులు శ్రీమాన్ శ్రీభాష్యం అప్పలాచార్యస్వామి వారి జయంతి సందర్భముగా వారితో పరిచయమున్న ఒక సాధారణ భక్తుడుగా వారితో గల కొద్దిపాటి పరిచయమును పునస్కరించుకొని వారి గురించి మన అంతర్జాల మితృలకు తెలియజేసే సాహసమునకు పూనుకుంటున్నాను.

అస్సలు అటువంటి మహనీయుని గురించి మాట్లాడడానికే యెటువంటి అర్హత గాని , స్థాయి గాని , పరిజ్ఞానము గాని యీ సాధకుడికి లేవు. అయినా సాహసము చేస్తున్నాను. శ్రీరాముడు చాతుర్వర్ణాలవారికీ దేవుడే! శ్రీరాముని పూజించే అవకాశము అందరికీ ఉంది. అదే విధముగా గొప్ప వారిగురించి రెండు మాటలు చెప్పుకునే అవకాశము యీ సాధకునికీ ఉంది.

కొన్ని వేలమంది వారి ఉపన్యాసము వింటుంటారు. అయితే ప్రతీ ఒక్కరికీ వారు తనతోనే చెప్తున్నారన్న భావము కలుగుతుంది. సాధారణ భక్తులకూ , మహా జ్ఞానులకూ యెవరి స్థాయికి తగ్గట్టుగా వారికి అర్ధమవుతుంది. ఇది అపూర్వము.

దివంగత తెన్నేటి విశ్వనాధం గారు దేశ భక్తులు , విశాఖవాసులకు ప్రియమైన వారు. ఆయన తన సన్నిహితులతో ' కొంత మంది మాట్లాడుతుంటే వినాలి అనిపిస్తుంది. కొంతమంది మాట్లాడుతుంటే చాలా బాగా మాట్లాడుతున్నారు అనిపిస్తుంది. కాని శ్రీమాన్ శ్రీభాష్యం అప్పలాచార్యస్వామి వారు మాట్లాడుతుంటే సాక్షాత్తూ సరస్వతీదేవి వారి నాలుక మీద నాట్యము చేస్తున్నాదా ! అనిపిస్తుంది ' అని తరచుగా అనేవారు.

వారివద్ద కొన్నాళ్ళు బ్రహ్మ సూత్రాలు మొదలగునవి నేర్చుకొని వారు పెట్టిన పరీక్షలలో ఉత్తీర్ణులయి కొందరు జియర్ స్వాములు అయ్యారని పెద్దలు చెప్తారు.

అప్పలాచార్యస్వామి వారికి ధనిక ,పేద అన్న తేడా లేదు. తన వద్దకు వచ్చిన భక్తులను వారు ఆదరించే తీరు అమోఘము. దైవ కార్యాలలో వారి సలహాల కోసము వచ్చిన వారికి వచ్చిన వారి స్థాయికి తగ్గట్టుగా సూచనలు యిస్తారు. వారిగురించి యిలా యెంత చెప్పినా తక్కువే అవుతుంది.

యీ సాధకునికి వారితో యెన్నో విషయాలలో కొద్దిగా సాన్నిహిత్యము యేర్పడింది.

మొదటగా 3 నెలలలో సామూహికముగా ఒక కోటి శ్రీరామనామములు వ్రాయించగలిగానని వారే నన్ను పిలిపించుకొని 1986 జూన్ నెలలో పూజా కార్యక్రమాన్ని దగ్గరుండి జరిపించారు.

యీ సాధకుడు 4 సంవత్సరములు భగవత్ విషయములు సేకరించి ఆధ్యాత్మిక దర్పణము పేరుతో 1/8demmy size లో 200 పేజీలు ముద్రణకు సిద్దపడితే వారు ఓపికతో అన్ని పేజీలను దిద్ది, మంగళాశాసనములు వ్రాయడమే కాకుండా క్రిష్ణా ఆశ్రమములో అప్పటి పోర్టు ట్రష్టు చైర్మెన్ గారయిన శ్రీమాన్ P.V.R.K.ప్రసాద్ గారితో కలసి 1989 మే నెలలో ఆ పుస్తకాన్ని ఆవిష్కరించారు.

1978 లొ సుందరదాసు M.S.రామారావుగారు ఆశీస్సులతో సుందరకాండ పుస్తకమును యిచ్చినా గురుదేవులు శ్రీ ఆంజనేయస్వామి 1995 మార్చ్ నెలలో గానము చేసే అవకాశము యిచ్చారు. ఒక వారము రోజులుగా సాధన చేస్తున్నాము. ఆ విషయము వారికి యెవరో చెప్పితే వెంటనే నన్ను తీసుకొని రమ్మని చెప్పారు. నెను వెళ్ళితే కొద్దిగా పాడించుకొని తేది 30-03-1995 న వారు వచ్చి మొదటి గానమును ప్రారంభింపజేస్తాను అన్నారు. అప్పటికి ఒక వారము గూడా పూర్తిగా లేదు.స్వామీ కష్టమండీ! అని వేడుకున్నా ఫరవాలేదు మీరు తయారవుతారు అని నమ్మకంగా చెప్పడమే కాకుండా అదే దినమున మొదటి సుందరకాండ కార్యక్రమమును ప్రారంభింపజేసారు.

అర్ధాలతో కూడిన హనుమాన్ చాలీసా మరియు కొన్ని శ్లోకములతో కూడిన పుస్తకమును ముద్రించడానికి మొదటి విరాళము[100 రూపాయలు] వారు యిచ్చి యీ పుస్తకాలు లక్షకు పైగా ముద్రించ బడతాయని మంగళాశాసనము చేశారు. అవి యిప్పటికి ఒక లక్షా పదమూడు వేలు ముద్రించబడిభక్తులచే ఆదరించ బడుతున్నాయి .
ఇక వారి జననము విషయానికి వస్తే వారి తల్లి తండ్రులు సంతానము కోసము సింహ గిరి {శ్రీ సిం హాచలము దేవస్థానము} చుట్టూ ప్రదక్షిణము చేసేరని ,అప్పలాచార్యస్వామి వారు శ్రీ రామ నవమి నాడు జన్మించేరని ,వారు శ్రీ వరాహ లక్ష్మీ నరసిం హ స్వామి వారి మానస పుత్రులని వారి భక్తులు అంటారు.

శ్రీమాన్ శ్రీభాష్యం అప్పలాచార్యస్వామి వారు దైవాంశ సంభూతులు. భౌతికముగా వారు లేకపోవచ్చును గాని కొన్ని వేల మంది హృదయాలలో వారు చిరంజీవిగా వుంటారు.
వారు తన భక్తులను ,అభిమానులను సదా

కాపాడుతుంటారనే నమ్మకము మా అందరికీ వుంది.

తేది 17-03-2010 బుధవారము. మొదటిరోజు సుందరకాండ. హనుమ సముద్ర లంఘనం , లంఖిణిని జయించడము.

2010-03-18T01:01:00.006+05:30

మనిషి అన్నవాడు యే విధముగా బ్రతకాలి అన్న విషయమై పెద్దలు యేమని చెబుతారంటే బ్రతికి ఉండగానే ' ఛీ వెధవ జన్మ ' అనిపించుకున్నట్టుగా కాకుండా చనిపోయిన తరువాత కూడా బ్రతికి ఉన్నట్టుగా బ్రతకాలని చెబుతారు. ఈ రోజులలో సుందరకాండ అనగానే స్వర్గీయ M.S.రామారావు గారే జ్ఞాపకము వస్తారు. ఆ విధముగా ఆయన చిరంజీవిగా వున్నారు.

వాయుసేనలో నున్న తన కుమారుని క్షేమము కోసము ఆయన వాయుదేవుని కుమారుడయిన ఆంజనేయస్వామిని ఆరాధించారు . అందుకోసము ఆయన తీవ్రముగా తపించేరు. అందుచేతను ఆంజనేయస్వామి దగ్గర కూర్చొని మొదట సుందరకాండను వ్రాయించుకున్నారు. అంతే కాకుండా ఆర్తిగా పాడించుకున్నారు. ఆంధ్ర లోకానికి ఎనలేని కానుకను యిచ్చారు.

అటువంటి మహత్తరమయిన సుందరకాండను ఒక సాధారణమయిన యీ సాధకుని చేత పాడించుకుంటున్నారు.

పక్షిరాజు సంపాతి సీతమ్మ లంకలో ఉన్నాదని చెప్పగానే జాంబవంతులవారు హనుమకు అతనికి చిన్నప్పుడే బ్రహ్మదేమునితో సహా దేవతలందరు తమ శక్తులనీ వరములుగా యిచ్చిన సంగతి గురించి , మునుల శాపము గురించి , శాప విమోచనము గురించి తెలియజేసి నీవు మాత్రమే యీ నూరు యోజనముల సముద్రమును దాటి సీతమ్మను చూసి రాగలవు అని చెప్పి, నువ్వు సీతమ్మను చూసి వస్తేనే మన అందరి ప్రాణములు సుగ్రీవుని బారిన పడకుండా నిలిచివుంటాయని చెప్పి బయలుదేరమని ప్రోత్సహించారు.

శ్రీరాముని కార్యము తన వలన అవుతుందని తెలిసి హనుమ సంతోషముతొ మహేంద్ర గిరి పైకి యెక్కిపోయి తనవారందరితో నేను రాముడు వదలిన బాణములాగ వెళ్తానని చెప్పాడు. అప్పుడే తన బలాన్ని గురించి ,దేవతల వరాల గురించి తెలిసినా . తను వెళ్ళగలనని తెలిసినా ఆ గొప్పదనాన్ని రామునికే ఆపాదించాడు. తద్వారా అహంకారము ఉండకూడదని తన చేతల ద్వారా తెలియజేశాడు.

మైనాకుని ఉదంతము ద్వారా సత్కారాలలో మునిగిపోయి లక్ష్య సాధనను వదలకూడదని ,సురస ఉదంతము ద్వారా విహిత కర్మలు చేస్తున్నా వాటిని తామరాకు మీద నీటి బొట్టులాగ ఆచరించాలని , సిం హికను సమ్హరించడము ద్వారా నిషిద్ద కర్మలను నిర్దాక్షిణ్యముగా అణచివేయాలని తెలియజేశాడు. 'గోష్పదీకృత వారాశిం ' -అనగా నీటితో నిండిన ఆవు డెక్కను మనము దాటినట్టుగా హనుమ నూరు యోజనముల సముద్రాన్ని దాటాడు. లంకా నగర వైభవాన్ని చూసి చీకటి పడిన తరువాత లంకలోనికి వెళ్తున్న హనమను లంకిణి అడ్డగిస్తే ఎడమచేతి పిడికిలితో చిన్నపాటి దెబ్బ వేసేసరికి లంకిణి లోంగిపోయి యిక లంకకు చేటు తప్పదని చెప్పి లోపలకు వెళ్ళమని రాజమార్గము చూపించించింది. అభినయముతో , M.S రామారావుగారి బాణీలో గానముతో యీ రోజు కార్యక్రమము జరిగింది.
చక్కీర పొంగలి నేవేద్యము జరిగింది. ఆ ప్రసాదము తీసుకున్నవారికి భూత ,పిశాచ బాధలనుండి నివృత్తి జరుగుతుందన్న పెద్దల వచనములు తెలియజేసి అందరము ఆ ప్రసాదమును కళ్ళకు అద్దుకొని తీసుకున్నాము. శ్రీ రామ శరణం మమ !

శ్రీ మారుతీ పద భక్త కొమ్మూరు ఉమాప్రసాద్ భాగవతార్.

సుందరకాండ కధా గానములో భాగముగా మొదటి దినము సకల దేవతా స్వరూపుడైన శ్రీ ఆంజనేయస్వామికి భక్తులచే స్వయముగా అభిషేకములు చేయించబడినవి.

2010-03-17T01:46:00.003+05:30

తేది 16-03- ౨౦౧౦ మంగళవారము , ఉగాది పర్వదినము సందర్భముగా ముందుగా నిర్ణయించుకున్నట్టుగా సకలదేవతా స్వరూపుడయిన శ్రీఆంజనేయస్వామి [యీ సాధకుడు తీసుకువెళ్ళిన] విగ్రహమునకు -- అభ్యంగ స్నానము చేసి శుచి అయిన వస్త్రములు ధరించి వచ్చిన వారికి , పాంట్ కాకుండా పంచె ధరించి వచ్చిన మగవారికి , భక్తులందరిచేత స్వయముగా అభిషేకములు చేసుకునే అవకాశము కల్పించబడినది. ఈ అపూర్వమయిన అవకాశమును 52మంది దంపతులు సద్వినియోగపరచుకొని సుమారు 130కొబ్బరికాయల జలముతో అభిషేకములు చేసుకొనడమే కాకుండా అభిషేకము చేసుకున్న ప్రతీ 2 కొబ్బరికాయలకు ఒక శ్రీ ఆంజనేయస్వామి రాగి ముద్రికను యెటువంటి రుసుము చెల్లించకుండా పొందారు. వాద్యముల సహకారముతో యీ సాధకుడు పలు రాగములలో శ్రీ హనుమాన్ చాలీసాను ఉత్తేజముగా ఆరాధనతో గానము చేస్తుండగా వందలాది భక్తులు కలసి పాడినారు. అందరికీ హనుమాన్ చాలీసా పుస్తకములు యివ్వబడినవి. 'సామూహిక హనుమాన్ చాలీసా గాన యజ్ఞము ' లో భాగముగా నిర్వహించబడిన యీ కార్యక్రమము కార్యవర్గము వారికి నచ్చి మళ్ళీ చేయగలరా అని యీ సాధకుడిని అడిగారు. సామూహిక శ్రీ రామ కోటి లిఖిత జప యజ్ఞము లో భాగముగా ఆసక్తి గల భక్తులందరికీ 1008 శ్రీ రామనామములు పట్టే పుస్తకములు అందజేయబడినవి. శ్రీ రామనామములను వ్రాసి తెచ్చిన వారికి శ్రీ రక్షా బంధన్ లు యివ్వబడును. మొదటి రోజున వచ్చిన వందలాది భక్తులందరికీ శ్రీఆంజనేస్వామి రక్షాబంధన్ లు యివ్వబడినవి. రేపు సుందరకాండ కధా గానము ప్రారంభింపబడుతుంది. రేపటి కార్యక్రమములో ఆంజనేయస్వామి లంకిణిని జయించిన సన్నివేశమునకు చక్కెర పొంగలి నివేదన చేసి ప్రసాదముగా వితరణ చేయబడును. మహా మహోపాద్యాయులు శ్రీమాన్ శ్రీభాష్యం అప్పలాచార్యస్వామి వారి సూచనల ప్రకారము సుందరకాండలో నివేదనలు చేయబడుతున్నవి.

యత్ర యత్ర రఘునాధ కీర్తనం -
తత్ర కృతమస్తకాంజలిం -
బాష్ప వారి పరపూర్ణలోచనం-
మారుతిం నమత రాక్షసాంతకం.

శ్రీ రామజయం.

అభినయపూర్వక ,వ్యాఖ్యానసహిత 632 వ సుందరకాండ కథాగానమునకు స్వాగతాంజలి.

2010-03-15T23:45:00.002+05:30

మాతృ దేవోభవ ! పితృ దేవోభవ !! ఆచార్య దేవోభవ !!!

తేది 16-03- 2010 మంగళవారము అనగా వికృతి నామ సంవత్సర ఉగాది నుండి తేది 24-03-2010 బుధవారము శ్రీరామనవమి వరకు 9 దినములు - విశాఖపట్నము , గాజువాక దగ్గర , వడ్లపూడికోలనీలోగల , లక్ష్మీపురమునందు శ్రీ వేంకటేశ్వరస్వామి వారి ఆలయములో వాద్య సహకారములతో యీ సాధకునిచే ప్రతీ దినము సాయంత్రము 06.30 గంటలనుండి 08.30 గంటల వరకు సన్నివేశము కనిపించురీతిలో అభినయముతో , సందర్భానుసారముగా వ్యాఖ్యానముతో , సర్వ సమర్పణముతో 632 వ సుందరకాండ కధాగానము జరిపించబడును. సామూహిక శ్రీరామకోటి లిఖితయజ్ఞము మరియు సామూహిక హనుమాన్ చాలీసా గానయజ్ఞము లు కూడా జరిపించబడును. 1008 శ్రీరామ నామములు లిఖించి సమర్పించిన వారికి శ్రీ ఆంజనేయస్వామి వారి

' రక్షా బంధన్ ' లు అందజేయబడును . గురుదేవులు శ్రీ ఆంజనేయస్వామి దయతో భక్తిపూర్వకముగా జరుగుతున్న యీ దైవ కార్యక్రమమునకు వచ్చి మీరు తరించి మమ్ములను ధన్యులుగా చేయవలసిందిగా ఆహ్వానిస్తున్నాము.

జై మారుతీ ! జై జై మారుతీ !!

స్వామి రక్ష ! శ్రీ రామ రక్ష !!

శ్రీ రామ రక్ష ! సర్వ జగద్రక్ష !!

ఆంధ్ర ప్రదేశ్ ప్రభుత్వము వారిచే యక్ష గాన కళాకారుడిగా గుర్తింపు పొందిన మరియు ఆకాశవాణి విశాఖ వారిచే భక్తి సంగీత కళాకారుడిగా ఎంపిక చేయబడ్డ శ్రీ రామ దాసానుదాసుడు
-- కొమ్మూరు ఉమాప్రసాద్ భాగవతార్.

తేది 15-03-2010 ఉగాది ముందు రోజు [ కొత్త అమావాస్య ] - యీ సాధకునకు గల 3 విశిష్టతలు ప్రత్యేకతలు

2010-03-14T20:13:00.005+05:30

1. 1995 సం.లో మార్చి నెలలో [ఉగాది ఘఢియలలోనేకాని ఉగాది ముందురోజు] సుందరదాసు M.S.రామారావు గారి సుందరకాండను శ్రీ రామాయణ ప్రవచన శిరోమణి , భగవత్ స్వరూపులు అయిన శ్రీమాన్ శ్రీభాష్యం అప్పలాచార్యస్వామి వారి మంగళాశాశనములతో యీ సాధకునిచే మొదటి సుందరకాండ గానము ప్రారంభింపబడింది.

2. 1996 సం.లో మార్చి నెలలో [ఉగాది ఘఢియలలోనే కాని ఉగాది ముందు రోజు] యీ సాధకుని నాన్నగారు శ్రీ కొమ్మూరు భాస్కరరావు గారు కీర్తిశేషులయి వైకుంఠధామము చేరారు.

3.తేది ప్రకారము యీ సాధకుని[జననము తేది 15-03-1946] జన్మదినము.

మా నాన్నగారి 14వ వర్ధంతి సందర్భముగా వారికి హృదయపూర్వక నివాళులు అర్పిస్తున్నాను.

శ్లోకము: యస్మాత్ పార్ధివ దేహహ: ప్రాదుర భూద్యేన భగవతా గురుణా !
నంతు నమాంసి సహస్రంతస్మై సర్వజ్ఞ మూర్తయే పిత్రే !!

తాత్పర్యము : ఎవరివలన ఈ భౌతిక శరీరము జన్మించినదో అటువంటి భగవత్ స్వరూపుడైన
సర్వజ్ణమూర్తి అయిన తండ్రికి వేలకొలది నమస్కారములు.

మా నాన్నగారు కీ.శే.కొమ్మూరు భాస్కరరావు గారు తేది 13-04-1909 లో జన్మించారు. తేది 19-03-1996 న పరమపదము చేరారు. వారు అటవీ శాఖలో forest range officer గా పనిచేసేవారు. మా అమ్మగారి నిత్యపూజలు మాకు కనపడేవి కాని నాన్నగారి భక్తి మాకు పైకి కనపడేది కాదు. ఎక్కువగా కేంపులకు వెళ్ళేవారు.ఇంటిలో ఉన్నప్పుడు మాత్రము ఉదయము స్నానము చేయగానే కుర్చీలో కూర్చొని అగరుబత్తీ వెలిగించి కళ్ళు మూసుకొని తదేక ధ్యానములో అర ఘంటకు పైగా ఉండేవారు. పేపర్లలోనివి పుస్తకాలలోనివి దేముడికి సంబంధించినవీ దేశభక్తికి సంబంధించినవీ సేకరించేవారు. ఆయన వ్రాసుకోవడానికి అవకాశము లేనప్పుడు మా చెల్లెళ్ళ చేత వ్రాయించుకునేవారు. అవన్నీ సుమారు 18 పుస్తకాలలో ఉన్నాయి. ఆంగ్లము లోను ,తెలుగులోను సేకరించారు. వాటికి ఆయన A READERS HAARVEST అని పేరుపెట్టుకున్నారు. అందులో భక్తికి సంబంధించినవాటిని [ తెలుగు లోనున్నవి ] యీ సాధకుడు విజ్ణానభాస్కరం అని పేరుపెట్టి వాటిలోనివి అప్పుడప్పుడు యీ [ blog] అంతర్జాలము లో వ్రాస్తున్నాడు. అంతర్జాలమితృలందరికీ నూతన సంవత్సర శుభాకాంక్షలు.

జై మారుతీ ! జై జై మారుతీ !!

మొదటి శ్రీ రామకోటి నామములకు ఊహాతీతముగా, అద్భుతముగా పూజ జరిపించిన గురుదేవులు శ్రీ ఆంజనేయస్వామి. --- ఒక సాధకుని ఆత్మకధ -5.

2010-03-12T23:42:00.002+05:30

శ్రీ రామనామములు వ్రాసిన వారిలో ఒకరయిన భీమనాధం త్రినాధరావుగారు [ యీ సాధకునికి బావగారు ] ఒక రోజు వచ్చి, మూడు నెలలలో అందరిచేత కోటి శ్రీరామనామములను మీరు వ్రాయించారని శ్రీభాష్యం అప్పలాచారిస్వామివారికి నేను తెలియజేశాను . అది వినగానే స్వామివారు ఆయనను నేను చూడాలి వెంటనే తీసుకొని రండి అన్నారు , పదండి వెళదాము అన్నారు.

ఆ స్వామివారి గురించి నాకు అస్సలు తెలియదు కాని బావగారు రమ్మంటున్నారు కాబట్టి బయలుదేరాము. తోవలో మా బావగారు వారి గురించి చెప్పారు. వారు గురువులకే గురువులు అనీ , వారు రామాయణము చెప్పుతుంటే యెవ్వరూ కదలరనీ , కోటీశ్వరులు కూడా వారి దర్శనము కోసము ఆతృతగా వుంటారనీ ,వారు మిమ్మల్ని చూస్తాను అనడమే చాలా గొప్ప విషయమనీ చెప్పేసరికి నాకు కొద్దిగా భయము వేసింది. అంతటి మహానుభావుల వద్ద యెలా ప్రవర్తించాలో తెలియదు.ఏదైనా పొరపాటు చేస్తానేమో గురుదేవా! ఆంజనేయస్వామీ నువ్వే కాపాడాలి అని ఆంజనేయస్వామికి నమస్కారము పెట్టుకున్నాను.

ఆ స్వామివారు B.H.P.V వద్దనున్న షీలానగరులో వుంటున్నారు. వారి యింటికి వెళ్ళితే అమ్మగారు మా బావగారితో ఆదరముగా మాట్లాడి స్వామివారు
సిం హాచలము వెళ్ళేరని చెప్పి మమ్మల్ని అక్కడకే వెళ్ళమన్నారు.

మేము ఆ వూరిలోనికి వెళ్తుండగానే మా బావగారు స్కూటరు ఆపండి , అదిగో స్వామివారు! అన్నారు. వెంటనే స్కూటరు ఆపి బావగారితో వారివద్దకు వెళ్ళాను. బావగారు యెదురుగా వస్తున్న వారిలో ఒక పెద్దాయనకు రోడ్డుమీదనే పాదాలకు నమస్కరించారు. బావగారితోపాటే నేను కూడా వారికి రోడ్డు మీదే నమస్కరించాను.

వారు ,చాలా గొప్ప విషయము నేను విన్నాను, మిమ్మల్ని చూడాలనిపించి నేనే రమ్మన్నాను. మురళీ నగరులోని మన రామ మందిరములో శ్రీ రామకోటి కార్యక్రమము చేద్దాము అని తనతోనున్న పండితులతో యీ శ్రీ రామ కార్యము మనము చేద్దామని చెప్పి, బాబూ! నేను వచ్చి దగ్గర వుండి చేయిస్తాను అన్నారు. నాకు నోట మాటలు రాలేదు. ఇది కలా ! నిజమా ! అన్నట్టుగా అలాగే ఉండిపోయాను.

తేదీ 17-06-1986 మంగళవారము దశమి నాడు మరియు తేదీ 18-06-1986 బుధవారము ఏకాదశి నాడు కోటి శ్రీ రామనామములకు పూజ , శ్రీ సీతా రాముల కళ్యాణ మహోత్సవము శాస్త్రోక్తముగా జరిగింది. అంతా కలలో జరిగినట్టుగా అయిపోయింది.

యీ సాధకుడు పోర్టు రామాలయము మాష్టారిని అడిగితే శ్రీ ఆంజనేయస్వామి ఆయనచేతే రోడ్డు మీద యెవరో దొరుకుతారు అని చెప్పించడమే కాకుండా యీ సాధకుని స్థాయికి మించి బ్రహ్మాండముగా మహాత్ములచేత చేయించారు.

' తననే నమ్మినవారిని స్వామి తనే నడిపిస్తారు 'అన్నది నాకు నిదర్శనము అయింది.

మనకూ దేవుళ్ళకూ మధ్య పరమగురువులైన 'సప్త మహా ఋషులూ వుంటారనీ , ప్రతీ ప్రాణి తాలూకా ప్రతీ అవయవానికీ అధిష్టాన దేవతలు వుంటారనీ, భగవంతుని కార్యక్రమములు చేసేవారికి, నిస్వార్ధముగా ఆర్తితో దైవ కార్యాలను చేద్దామని ఉన్నా యెలా చేయాలో , యేమి చేయాలో తెలియని వారికి దైవ అనుగ్రహమును కలిగించి సంతృప్తి కలిగిస్తారని యీ సాధకుడు యెక్కడో చదివాడు.

ఇటువంటి అద్భుతమయిన సంఘటనలు యెన్నో జరిగాయి. ఒక్కొక్కసారి యెలా చేయాలో తెలియక సతమతమవుతున్నప్పుడు మన యెదురుగా వున్నవారిద్వారా మనకు కావలసిన విషయము చెప్పిస్తారు. విచిత్రమేమంటే వారికి మనతో ఆ విషయము చెప్పుతున్నట్టుగా తెలియకపోవచ్చును.

జై మారుతీ ! జై జై మారుతీ !!

స్వామి రక్ష ! శ్రీ రామ రక్ష !!

శ్రీ రామ రక్ష ! సర్వ జగద్రక్ష !!

మాతృదేవోభవ ! పితృదేవోభవ !! అచార్య దేవోభవ !!!

1986 జనవరి నెలలో "సామూహిక శ్రీ రామ కోటిలిఖిత యజ్ఞము "గురుదేవులు శ్రీ ఆంజనేయ స్వామి దయతో సంకల్పించబడి 3 నెలలలోనే పూర్తి అయ్యింది.ఒక సాధకుని ఆత్మ కధ -4

2010-03-11T11:31:00.007+05:30

M.S.రామారావు గారి ఆశీస్సులు అందుకున్న తరువాత వారు యిచ్చిన సుందరకాండ పుస్తకమును భద్రముగా దేముడి పుస్తకాలలో పెట్టి కొన్నాళ్ళకు ఆ పుస్తకము సంగతే మర్చిపోయాను.

అంతవరకు అఫీసులోను , బయటా , యూనియను కార్యక్రమాలలోను , సాంస్కృతిక కార్యక్రమాలలోను , క్రీడా కార్యక్రమాలలోను, నాటకాలలోను ఉధృతముగా పాల్గొంటున్న నన్ను " గురుదేవులు శ్రీ ఆంజనేయస్వామి " భక్తి మార్గములోనికి మార్చారు. కాని భక్తి అంటే పర్వదినములలో అందరితో పాటే అప్పుడప్పుడు పూజా కార్యక్రమములలో పాల్గొనడమే తెలుసు . " శ్రీ ఆంజనేయస్వామి" ప్రభావము వలన కొత్త కొత్త పాటలు పాడుకోవాలనీ ,దేముడికి సంబంధించిన విషయాలు తెలుసుకోవాలని తపన ప్రారంభమయ్యింది. ఎక్కడెక్కడ దైవకార్యాలు జరుగుతున్నా అక్కడకు వెళ్ళి నిశితముగా పరిశీలించడము , పెద్ద పెద్దవారి ఉపన్యాసములను వింటూ అందులో ముఖ్యమయిన విషయములను సూక్ష్మముగా వ్రాసుకొని యింటికి వచ్చిన తరువాత దానిని విపులముగా వ్రాసి ఉంచుకోవడము మొదలయింది. పత్రికలలో దైవమునకు సంబంధించిన విషయములను కత్తిరించుకొని దాచుకోవడము , కత్తిరించడానికి వీలు లేకపోతే వ్రాసుకొని ఉంచుకోవడము ప్రారంభమయ్యింది.

తెలుగు హనుమాన్ చాలీసా గానము అందరికీ నచ్చడమువలన యెవరయినా పిలిస్తే తప్పకుండా వెళ్ళేవాడిని. ఖుర్దా రోడ్డు [ ఒరిస్సా ] నుండి శ్రీ A.CH. సోమయాజులు గారు మలేరియా యిన్స్పెక్టరుగా పదవీ విరమణ చేసి వచ్చారు. ఆయనను 'అపర కబీరు ' అంటారు. వారివద్దకు కొన్నాళ్ళు వెళ్ళాను.

ఆ తరువాత పోర్టు శ్రీ రామాలయము మాష్టారు పిలిస్తే అక్కడకు వెళ్ళేవాడిని. అక్కడే 'తులసీదాసు' హిందీ హనుమాన్ చాలీసా నేర్చుకున్నాను. ఏక ధాటిగా 108 పర్యాయములు సునాయాసముగా పాడడము వచ్చింది.

ఆ రామాలయములలో కొందరు కూర్చొని శ్రీ రామ నామములను వ్రాస్తుంటే చూసి శ్రీ రామ నామములుఒక కోటి సేకరించాలనే సంకల్పము వచ్చింది. ఒక మనిషి తన జీవితములో నిద్రకు , కాలకృత్యములకు సమయము వదలి తక్కిన సమయమంతా శ్రీ రామనామములు వ్రాస్తే ఒక కొటి శ్రీ రామనామములు వ్రాయడానికి ౧౮ సంవత్సరములు పడుతుందని పెద్దలు చెప్పారు. అందుచేత అందరము కలసి కోటి శ్రీ రామనామములు వ్రాద్దామని అందరితో చెప్పాను. విశాఖపట్నము పోర్టులో పనిచేస్తుండడము వలన వందలాదిమందితో సాన్నిహిత్యము ఉంది. శ్రీ రామనామములు వ్రాసే పుస్తకములను కొని ఆసక్తి గలవారికి యిచ్చాను.వారందరినీ వాటిని యిళ్ళకు తీసుకొని వెళ్ళి పుస్తకములోని పేజీలను విడదీసి కుటుంభ సభ్యులంతా వ్రాయండి అనిచెప్పాను.

ఆ విధముగా జనవరి 1986 లో " సామూహిక శ్రీ రామకోటి లిఖిత యజ్ఞము " ప్రారంభమయ్యింది. గురుదేవులు శ్రీ ఆంజనేయస్వామి దయవలన ఆ సంకల్పము రావడము వలన ఆశ్చర్యముగా , విచిత్రముగా కేవలము 3 నెలలలోనే " ఒక కోటి శ్రీ రామ నామములు " సేకరించబడ్డాయి. అందరూ చాలా అశ్చర్యపడ్డారు. శ్రీ రామనామములు వ్రాసి యిచ్చిన భక్తులకయితే వారి ఆనందానికి అవధులు లేవు. నేను ఉబ్బితబ్బిబ్బయిపోయాను. నాకు నెమ్మదిగా "స్వామి" ప్రభావము అవగతమవుతున్నాది. వరుసగా జరుగుతున్న సంఘటనలు కాకతాళీయముగా జరుగుతున్నవి కావని, వీటిని తేలికగా తీసుకోకూడదని అనుకున్నాను. నెమ్మదిగా తక్కిన కార్యక్రమాలు తగ్గించుకోవడము మొదలుపెట్టాను.

శ్రీ రామకోటి పూర్తి అయినందుకు వాటికి పూజాకార్యక్రమము చేయించాలనుకొని పోర్టు శ్రీ రామాలయము మాష్టారు వద్దకు వెళ్ళి శ్రీ రామ నామములకు పూజ చేయమని కోరేను. ఆయన చెప్పిన జవాబు నన్ను నిశ్చేష్ఠునిగా చేసింది. ఆయన చాలా స్థిరముగా చెప్పారు.' మీకు సంకీర్తన చేయడము వరకే వీలు ఉంది. శ్రీ రామనామములు వ్రాయించడము, వాటికి పూజా కార్యక్రమములు చేయించడము అవకాశము లేదు. ఆ పూజ యిక్కడ చేయబడదు ' అని చెప్పారు. ' మీకు ' రోడ్డుమీద పంతులు ' యెవరయినా దొరుకుతారు వా ళ్ళచేత చేయించుకోమని చెప్పారు. సరేనని వచ్చేస్తుంటే ఆగండి కొంతసేపు సంకీర్తన చేద్దామని అన్నారు. కాసేపు సంకీర్తన చేసి యింటికి వచ్చేశాను.

ఇంక సంకీర్తనకు పోర్టు రామాలయమునకు వెళ్ళే అవకాశము లేదని అనుకున్నాను. దైవ కార్యక్రములకు అవకాశము లేని దగ్గరకు వెళ్ళడము " స్వామికి' యిష్టము వుండదనుకున్నాను. తరచుగా వెళ్ళడము మానివేశాను. మరి కోటి శ్రీ రామనామములకు పూజ చేయించే భారము నీదేనని స్వామికి విన్నవించుకున్నాను.

జై మారుతీ! జై జై మారుతీ!!

స్వామి రక్ష ! శ్రీ రామ రక్ష !!

శ్రీ రామ రక్ష ! సర్వ జగద్రక్ష !!

మాతృదేవోభవ ! పితృదేవోభవ !! ఆచార్యదేవోభవ !!!

రామాలయము మాష్టారు నాతో అన్న విషయములు యిలా పైకి తెలియజేయడము సభ్యత కాదు గాని యీ సాధకుడు యెటువంటి ఒడుదుడుకులు యెదుర్కున్నాడో తెలియజేయడమే నా ఉద్దేశ్యము.

సుందర దాసు M.s. రామారావు గారిచే వారి సుందరకాండ పుస్తకమును యీ సాధకునకు లిఖిత పూర్వక ఆశీస్సులతో యిప్పించిన గురుదేవులు శ్రీ ఆంజనేయస్వామి.

2010-03-09T18:58:00.011+05:30

'సుందరదాసు M.S.రామారావు ' గారిచే యీ సాధకునకు తేది 11-09-78న వారి సుందరకాండ పుస్తకమును లిఖితపూర్వక ఆశీస్సులతో యిప్పించిన " గురుదేవులు శ్రీ ఆంజనేయస్వామి! "
[ ఒక సాధకుని ఆత్మ కధ ---3

1978 సంవత్సరము జూలై నెలలో మాదంపతులను ఘోరమయిన ప్రమాదము నుండి కాపాడిన గురు దేవులు "శ్రీ ఆంజనేయస్వామి " 1978 సంవత్సరము ఆగష్టు నెలలో " తన అనుగ్రహపాతృలయిన సుందర దాసు M.S రామారావుగారు రచించి గానము చేస్తున్న శ్రీ హనుమాన్ చాలీసాను రేడియో ద్వారా యీ సాధకునికి యిచ్చిన విషయము తేది 05-03-10 న మీకు తెలియజేశాను .
సెప్టెంబరు నెలలో అనగా నెలలోనే 'స్వామి ' ఈ సాధకునకు వెల కట్టలేని కానుక యిచ్చారు. తేది 11-09-1978 నాడు కొందరు సన్నిహితులు వచ్చి శ్రీ సంపత్ వినాయక స్వామి వారి ఆలయములో [విశాఖలోనే] శ్రీ M.S.రామారావుగారు 7 రోజులు సుందరకాండ కధాగానము చేస్తున్నారు, వెళ్దాము రండి అని యీ సాధకుడిని తీసుకొని వెళ్ళారు. వారిని స్వయముగా చూసే అవకాశము లభించినందుకు యెంతో ఆనందముతో వెళ్ళాను. కార్యక్రమము యింకా మొదలు అవలేదు. M S రామారావు గారు అప్పుడే వచ్చారు. నన్ను తీసుకొని వెళ్ళిన పెద్దలు నన్ను వారికి పరిచయము చేశారు 'అయ్యా! ఈయన మీరు గానము చేసిన తెలుగు హనుమాన్ చాలీసాను పాడుతున్నారు ' అని . నేను వినయముగా నమస్కరించాను. ఆయన ' బాబూ ! యేది కొద్దిగా పాడండీ ' అన్నారు. ఆంజనేయ స్వామి అంతటి వారి ముందు నేను కుప్పిగంతులు వేయడమా అనుకుంటూ నెమ్మదిగా మొదటి రెండు ప్రార్ధన శ్లోకాలు పాడాను. వింటూనే ఆయన యేదో పుస్తకము తీసి లోపలి పేజీలో యేదో వ్రాసి సంతకము చేసి 'బావుంది ప్రచారము చేయు నాయనా!' అంటూ ఆ పుస్తకమును నాకు యిచ్చారు. నా ఆనందానికి అవధులు లేవు. కేవలము నా తృప్తికోసము ,నా ఆనందము కోసము పాడుకుంటున్నాను. అటువంటిది ఆయన స్వయంగా ఆ విధముగా అనడము ,యేదో పుస్తకము యివ్వడము నాకు నోటంట మాటలు రాలేదు. ఇంటికి తిరిగి వచ్చిన తరువాత చూసేసరికి ఆ పుస్తకము వారు రచించి గానము చేస్తున్న 'సుందరకాండ!'. అది యిచ్చి ప్రచారము చేయు నాయనా అన్నారు. అప్పటి నా స్థాయికి తెలుగు శ్రీ హనుమాన్ చాలీసా గానమే యెక్కువ! అందు చేత శ్రీ హనుమాన్ చాలీసా గానమునే ప్రచారము చేయమన్నారన్న నిశ్చయమైన అభిప్రాయముతో ఆ పుస్తకమును జాగ్రత్తగా దాచుకున్నాను.
జై మారుతి ! జై జై మారుతి !!
స్వామి రక్ష ! శ్రీ రామ రక్ష !!
శ్రీ రామ రక్ష ! సర్వ జగద్రక్ష !!

అర్ధ సహస్ర సుందరకాండ కథా గాన శిరోమణి - కొమ్మూరు ఉమాప్రసాద్ భాగవతార్

గత 31 సంవత్సరములలో 300 లకు పైగా భక్తి గీతములను యిచ్చిన గురుదేవులు శ్రీ ఆంజనేయస్వామి. --ఒక సాధకుని ఆత్మ కధ-2

2010-03-05T00:33:00.005+05:30

గురుదేవులు " శ్రీ ఆంజనేయస్వామి " యిచ్చిన తొలి కానుక సుందరదాసు గారి తెలుగు హనుమాన్ చాలీసా!
ఆ చాలీసాను పాడుతున్నప్పుడు అప్రయత్నముగానే నా కనులు మూయబడి ఏదో అవ్యక్త ఆనందము , తన్మయత్నము కలిగి ఒడలంతా జలదరించేది. శ్రీ M.S.రామారావు గారిది ఒక విలక్షణమైన శైలి. ఆ గొంతుకలోనున్న ఆర్తి అయస్కాంతములా ఆకర్షించి యెంతటి వాడినయనా కట్టిపడేస్తుంది. అటువంటి హనుమాన్ చాలీసా నేను పాడగలగడము నాకు యిప్పటికీ ఆశ్చర్యమే!
అది నేను పాడగా విన్నవారు కూడా తన్మయత్వముతో కదిలిపోయి సన్నిహితులకు చెప్పేవారు. ఆ విధముగా విపరీతముగా ప్రచారము అయి మా విశాఖపట్నములో యెక్కడెక్కడో జరిగే కార్యక్రమాలలో ప్రత్యేకముగా పాడించుకునేవారు. అంతటి అదృష్టము పొందగలిగినందుకు ఆ హనుమాన్ చాలీసాను నాకు మొదటి కానుకగా యిచ్చిన గురుదేవులు "శ్రీ ఆంజనేయస్వామికి" నేను దాసోహము అయిపోయాను.

స్వామి యిచ్చిన హనుమాన్ చాలీసా మాత్రమే పాడితే ఆయనకు తృప్తి ఉండదేమోనని భక్తి గీతాలు కొత్తవి నేర్చుకోవాలని ప్రయత్నము మొదలుపట్టాను. ఆ తపనతో ఆలయాలలో జరిగే భజన కార్యక్రమాలకు వెళ్ళేవాడిని. ఎక్కువగా సినిమా పాటల వరుసలలోనే భజనలు జరుగతున్నాయి. అవి పాడుతున్నప్పుడు ఆ సినీమా పాటలలోని భావాలే కలుగుతున్నాయి. అయితే ఆ పాడేవారిని తప్పు పట్టలేము. ఎందుచేతనంటే ప్రతీ వారము ఆలయాలలో భజనలు చేయాలన్న కోరిక వారికి ఉంది. సినిమా పాటలలోని రాగాలయితే వారు సులువుగా పాడగలరు. అంతకన్న వారికి మరో మార్గము లేదు. వారికి భక్తి గీతములు నేర్పేవారు లేరుమరి.

అయితే ఆ మార్గములో నేను వెళ్ళదలచుకోలేదు.
రేడియోలో వచ్చేపాటలు, టేపురికార్డులలోనిపాటలు, భజనలలో భక్తులు పాడే పాటలూ విని నాకు నచ్చినవి సాధన చేసుకునేవాడిని. కచేరీలలో పెద్ద పేద్దవారు పాడే పాటల జోలికి వెళ్ళే సాహసము నాకు లేదు. స్వయముగా శ్రీ ఆంజనేయస్వామే నాకు గురువు కాబట్టి అవిరామ కృషి, నిరంతర సాధన 1978 సంవత్సరములో ప్రారంభమైన ప్రయత్నము యీ రోజున అనగా 31 సంవత్సరములకు 300 ల వరకు భక్తి గీతాలు పాడగలిగే స్థాయికి తెచ్చింది.
మనిషి యేదైనా సాధించాలంటే అతనికి దైవ అనుగ్రహము, పెద్దల అనుగ్రహము, తల్లి తండ్రుల అనుగ్రహముతో పాటే తన అనుగ్రహము కూడా ఉండాలని భగవత్స్వరూపులు, ఉభయ వేదాంత ప్రవక్తకులు, ప్రవచన శిరోమణి, మహా మహోపాధ్యాయ అయిన 'శ్రీ మాన్ శ్రీభాష్యం అప్పలాచార్య స్వామి వారు ' చెప్పేవారు.
ఈ సంధర్భముగా ఒక కధ చెప్పుకోవాలి. ఒక ప్రియుడికి తన ప్రియురాలు ఒక ఉత్తరము వ్రాసింది. తనకు తన పెద్దవారు వేరొకరితో వివాహము నిశ్చయిస్తున్నారని, యీనాటి రాత్రి తనుయింటి పెరడులో నిరీక్షిస్తుంటానని , తప్పకుండా వచ్చి తనను తీసుకు వెళ్ళమని, ఒక వేళ నువ్వు గాని రాకపోతే తన యింటి నూతిలో శవము అయిపోతానని వ్రాసింది. ఆ ఉత్తరము అందుకున్న ప్రియుడు తన ప్రియురాలికి తనమీద ఉన్న ప్రేమను తలచుకొని పొంగిపోతూ ఆ ఉత్తరమును పలుమార్లు ముద్దు పెట్టుకొని నిశ్చింతగా నిద్రపొయాడు. ఆ రాత్రి ఆప్రియురాలు ప్రియుని గురించి నిరీక్షించి, నిరీక్షించి తెల్లవారేసరికి నూతిలో శవమై తేలింది. అటువంటి ప్రేమ లాంటి సాధన పనికి రాదు . పట్టుదల, కృషి ,వినయములు, నిరీక్షణ కావాలి.
సినిమాలు చూసి అందులో ఒక పాట పాడగానే మహత్తులు జరిగి కోరికలు తీరినట్టుగా నిజ జీవితములో కూడా నిముషాలు, గంటలలోనే అన్నీ జరిగిపోవాలని చాలామంది భావిస్తున్నారు. నమ్మకము, ఆశా భావముతో కృషి చేయాలి.
---- గురుదేవులు శ్రీ ఆంజనేయస్వామి దయతో మళ్ళీ మీ ముందుకు యీ సాధకుని జీవితములోని యింకొక విషయముతో వస్తాను.
---మాతృ దేవో భవ! పితృ దేవో భవ !! ఆచార్య దేవో భవ!!!

' శ్రీ మారుతీ పద భక్త ' కొమ్మూరు ఉమాప్రసాద్ భాగవతార్ .

దేవుడ్ని ఎలా అరాధించాలి? [దివ్య ఖురాన్: 3.31 ] --- తేది 27-02-10 ' మిలాడి నబి ' సంధర్భముగా.

2010-02-27T00:58:00.002+05:30

దేవుడ్ని ఎలా అరాధించాలి, ఆయన అభీష్టము అధికారాలు ఏమిటి? ఏ పనులు చేస్తే , వేటిని మానుకుంటే మానవ జీవితము సార్ధకమవుతుంది? అనే విషయాలను దేవుడు మానవుల నిర్ణయానికి వదిలిపెట్టలేదు.
వీటికోసం ఆయన మానవులలోనుంచే కొందరు సజ్జనులను ఎన్నుకున్నారు. వారిద్వారా మానవాళికి తన ఆజ్ఞలను , హితవులను అందజేస్తున్నాడు. ఇలాంటి సత్పురుషులనే ఇస్లాం దైవ ప్రవక్తలని చెబుతోంది. మానవులు అజ్ఞానంతో సమస్యల సుడిగుండములో చిక్కుకున్నప్పుడు దయామయుడైన దేవుడు వారికి ఋజుమార్గం చూపేందుకు దైవ ప్రవక్తలను పంపించేవాడు. ఇస్లాం ప్రకారం దేవుడు ప్రతీ దేశములోను , ప్రతీ జాతిలోను దైవ ప్రవక్తలను ఉద్భవింప జేశాడు. వారందరు ఇస్లాం ధర్మాన్నే [ దైవ విధేయతా మార్గం ] బోధించారు.

అయితే దైవ ప్రవక్తల మరణానంతరము కొందరు స్వార్ధపరులు వారు తెచ్చిన దైవ గ్రంధాలను తారుమారు చేశారు. తిరిగి దేవుడు మరొక ప్రవక్తను పంపేవాడు. ఈ ప్రవక్తల పరంపరలలో అంతిమ దైవ ప్రవక్తగా ' మహనీయ మొహమ్మద్ 'ను ప్రభవింపజేశాడు. ఈయన ఒక ప్రత్యేక జాతికో , ఒక ప్రత్యేక కాలము కోసమో కాక ప్రళయం వరకు పుట్టబోయే యావత్తు మానవాళి కొరకు దైవ ప్రవక్తగా వచ్చాడు. కనుక ఏ దేశంలో వున్నా , ఏ జాతిలో పుట్టినా ప్రతీ ఒక్కరూ చివరి దైవ ప్రవక్త అయిన ' మొహమ్మద్ ' [ స అసం ] ను విశ్వసించడమే. ఆయన తెచ్చిన దైవ గ్రంధం ' ఖురాన్ " ను , ఆయన ప్రవచించిన సూక్తులను , ఆచరణ విధానాన్ని పాటించడమే విధి. తద్వారా మాత్రమే మనిషి నిజమైన ముక్తికి , మోక్షానికి అర్హుడవుతాడు.

ఓ మొహమ్మద్ ! వారితో చెప్పండి. మీరు దేవుడ్ని ప్రేమించినవారే అయితే నాకు విధేయత చూపండి. అప్పుడే దేవుడు మిమ్మల్ని ప్రేమిన్స్తాడు. మీ పాపాలను క్షమిస్తాడు.

[ దివ్య ఖురాన్ : 3.31 ]

[ తేది 16-08-96 ఆంధ్రజ్యోతి సచిత్ర వారపత్రిక సౌజన్యంతో ]

కొమ్మూరు ఉమాప్రసాద్ భాగవతార్ ,తెది 26-02-2010.

పరమేశ్వరుడు పార్వతీదేవికి తెలిపిన గోమాతకు చేసిన పూజల యొక్క ఫలితములు.

2010-02-20T23:02:00.005+05:30

ఒకప్పుడు పార్వతీదేవి పరమేశ్వరునితో " నాధా! జనులు పాపములనుండి విముక్తి చెందుటకు ఏదైనా మార్గమును , తరుణోపాయమును తెలుపమ"ని అడుగగా పరమేశ్వరుడు ఈవిధముగా చెప్పాడు.
పార్వతీ! గోమాత యందు సమస్త దేవతలు ఉన్నారు.
పాదముల యందు - పితృదేవతలు
కాళ్ళ యందు - సమస్త పర్వతములు
భ్రూమధ్యమున - గంధర్వులు
దంతముల యందు - గణపతి
ముక్కున - శివుడు
ముఖమున - జ్యేష్ఠాదేవి
కళ్ళయందు - సూర్య చంద్రాదులు
చెవుల యందు - శంఖు చక్రములు
కంఠమునందు - విష్ణుమూర్తి
భుజమున - సరస్వతి
రొమ్మున - నవ గ్రహములు
వెన్నునందు - వరుణ దేవుడు , అగ్ని దేవుడు
తోక యందు - చంద్రుడు
చర్మమున - ప్రజాపతి
రోమములయందు - త్రింశత్కోటి దేవతలు నివసించెదరు.
అందువల్ల గోమాతను పూజించి పాపములను పోగొట్టుకొని ఆయురారోగ్యములను , అష్టైశ్వర్యములను పొందవచ్చును. గోవులకు తృప్తిగా ఆహారము పెడితే సమస్త దేవతలకు ఆహారము పెట్టినంత పుణ్యఫలము కలుగుతుంది. మనసారా నమస్కరిస్తే సమస్త దేవతలకు నమస్కరించినంత పుణ్యము కలుగుతుంది. గోమాతకు ప్రదక్షిణము చేస్తే భూమండలము అంతా ప్రదక్షిణము చేసినంత ఫలము కలుగుతుంది." ---- 1993 స్వాతి వారపత్రికలోని సత్యాన్వేషణ లోనిది.
కర్మభూమి అయిన భారతావనిలో గోవులు అంతరించిపోతున్నాయి. వ్యవసాయ ఆధారిత భూములన్నీ కర్మాగారాలకు నెలవవుతున్నాయి. గోవులు అంతరించిపోతున్నాయి. నదీ పరివాహిక ప్రాంతాలలోనే గోవులు కనిపిస్తున్నాయి. అరణ్యాలలో వుండి గ్రామాలమీద పడి పశువులను ,మనుష్యులను తినివేసే పులులు అంతరించిపోతున్నాయని వాటిని అభయారణ్యాలలో రక్షణ కల్పించే చర్యలు తీసుకుంటున్న ప్రభుత్వమువారికి గోవుల ఆక్రందనలు వినిపించడము లేదు. ప్రపంచ ప్రఖ్యాతి గాంచిన ఒంగోలు జాతి ఆవులు ,యెద్దులు అంతరించిపోతున్నా యెవరికీ చీమైనా కుట్టడము లేదు. జై మారుతీ! జై జై మారుతీ!!
స్వామి రక్ష! శ్రీ రామ రక్ష!!
శ్రీ రామ రక్ష! సర్వ జగద్రక్ష !!

2010-02-11T16:06:00.004+05:30

' మహా శివరాత్రి ' - 'లింగోద్భవకాలము.' [తేది 12-02-10 ]

"బ్రహ్మ" , "విష్ణువు" లు యిరువురూ పోటీపడి తమలో అధికులు యెవరో తెలియజేయమని "పరమేశ్వరుని" కోరగా "పరమేశ్వరుడు" తన ఆది,అంతము కనుగొనమని ఆద్యంత రహితముగా భూమిలోనుండి ఆకాశములోనికి లింగ రూపములో ప్రత్యక్షమయ్యాడు.

"బ్రహ్మ", "విష్ణువు" లు యిద్దరూ కలిసి "నమశ్శివాయ శాంతాయ బ్రహ్మణే లింగమూర్తయే " అని స్తోత్రము చేశారు. [ఈ స్తోత్రాన్ని శివ లింగ దర్శనము చేయు సమయములో ,అర్చన సమయములో పఠిస్తే చాలా శ్రేష్టము]

మహా శివరాత్రి నాడు అర్ధరాత్రి సమయములో "పరమేశ్వరుడు" లింగ స్వరూపములో ఉద్భవించాడు. అదే శివలింగోద్భవ కాలము.ఆనాటి నుండి శివలింగ అరాధన మొదలయ్యింది. కర చరణాది అవయవాలు యేవీ లేని నిరాకార జ్యోతి రూపమే లింగము. జ్యోతి అన్ని దిక్కులనూ చూస్తుంది. పర బ్రహ్మ,శాశ్వతుడు అయిన "శివుడు" బ్రహ్మజ్యోతి స్వరూపుడు కనుకనే లింగ రూపుడై పూజల అందుకుంటున్నాడు. లింగ శబ్దానికి అర్ధము యేమిటనగా "లయనాల్లింగ ముచ్యతే" అనగా - యీ సృష్టి అంతా దేనిలో లయమయి [లీనమయి] ఉన్నదో అదే లింగము.

సముద్రము నుండి బయల్వెడలిన కాలకూట విషాన్ని పరమేశ్వరుడు పానము చేశాడు. తన శిరస్సు చల్లపడుటకై తన తలపై గంగను మరియు చంద్రుని ధరించెను. అతనికి అగ్నితో సమానమైన మూడవ నేత్రము ఉన్నది. నిరంతరము అభిషేకము చేయుటచే చల్లబడును.

శివుని పూజయందు అభిషేకము ఒక ప్రధానమైన అంశము. అభిషేకములేని శివపూజ అసంపూర్ణముగా ఉంటుంది. శివుడు అభిషేక ప్రియుడు . అభిషేకమునకు గంగా జలము,పాలు,నెయ్యి, తేనె, గులాబి జలము, కొబ్బరి నీరు, చందనము, పంచామృతము, సుగంధ ద్రవ్యము,చెరుకు రసము మరియు నిమ్మ రసము లు వాడతారు.

-----ఈ వ్యాసము తేదీ 26-02-93 స్వాతి వార పత్రిక ' సత్యాన్న్వేషణ ' శీర్షిక లోనిది.

తేది 12-02-10 న విశాఖ జిల్లా , భీమునిపట్నము బాలికల పోలిటెక్నిక్ కాలేజి కి వెళ్ళే త్రోవలో , n v కోలనీలో ,సుందర వనములో మహా శివ రాత్రి పర్వదినమున లింగోద్భవ సమయములో యీ సాధకునిచే నిర్వ హించబడుతున్న ' సామూహిక శివ పంచాక్షరీ మంత్ర జప సహిత మహా జ్యోతిర్లింగ అర్చనకు ఆహ్వానము పలుకుతున్నాము. భక్తులందరూ " ఓం నమశ్శివాయ" జపము చేస్తూ 500 లకు పైగా జ్యోతులను పార్ధివ శివలింగముపై పేర్చి మహా జ్యోతిర్లింగమును తయారు చేస్తారు. లింగోద్భవ సమయమునకు జ్యోతిర్లింగము పూర్తి అవుతుంది. ఆ విధముగా జ్యోతులతో యేర్పడిన జ్యతిర్లింగమును చూచుటకు భగవంతుడిచ్చిన రెండు నేత్రమలు చాలవు. లింగోద్భవ సమయములో జ్యోతులనుండి వచ్చు శబ్దములో ఒంకారము వుంటుందని పేద్దలు చెప్తారు.

గురు దేవులు శ్రీ ఆంజనేయ స్వామి దయ వలన జరుగుతున్న యీ కార్యక్రమమునకు మీరు రాలేక పోయినా లింగోద్భవ కాలములో మీరు వినోద కార్యక్రమములతో కాలక్షేపము చేయకుండా జీవితమును సార్ధకము చేసుకోవలసిందిగా కోరుతున్నాను.

మాతృ దేవో భవ! పితృ దేవో భవ !! ఆచార్య దేవో భవ !!!!

జై మారుతీ! జై జై మారుతీ!!

శ్రీ రామ నామ మహిమ[స్వామి శివానంద మహర్షి ,శ్రీ శివానంద ఆశ్రమము , ఋషీకేశ్ -తేది 08-08-1941]

2010-02-05T00:11:00.005+05:30

భగవన్నామము ఆధ్యాత్మిక కల్పవృక్షము. అది మనో మాలిన్యముల విధ్వంసిని. అది పరమ శాంతిని , శాశ్వత ఆనందమును , అనంత జ్ఞానమును ప్రసాదించును. స్మరణ చేయువారి హృదయములో అది దివ్య ప్రేమను కురిపించును. అది సమస్త ఆనందములకు మూలము. అమృత ప్రసాదినియగు ఆ నామము మీ భయములన్నిటిని పోగొట్టి అందరకు ఉపశమనమును , పరమ సంతోషమును కలుగజేయుగాక!

శ్రీ రాముని నామము మధురతమమైన వస్తువులకంటే మధురమైనది. అది శాంతి ధామము. పవిత్ర ఆత్మల జీవనమే అది. అది ప్రపంచ వాసనలనెడు ప్రజ్వలితాగ్నులను చల్లార్చును. నీ హృదయములో నిహితమై యున్న దివ్యజ్ఞానమును అది మేల్కొలుపును. అది సాధకుని దివ్యానంద సాగరమున స్నానము చేయించును. శ్రీ రామునికి జయము! శ్రీ రామ నామమునకు జయము!!
ప్రతి వస్తువునందు ఒక్క రాముడు మాత్రమేఉన్నాడు. ఈ ప్రపంచమంతయు వారి లీల. రాముడు లేకుండా ప్రపంచమే లేదు. ఈ విశ్వమంతయు రామ మయము. రాముడు లేకుండా ప్రపంచమే లేదు. రాముడు , రామనామము వేరు కాదు.
శ్రీ రాముని చేరుటకు సాధన యేది యన వారి నామమును అనుసరించి అందులోనే లీనమగుటయే!
- ఏది వేద సాగరము నుండి మధింపబడినదో
- ఏది కలియుగమందలి దోషములను తొలగించునో
- ఏది సతతము పరమేశ్వరుని జిహ్వయందుండునో
- ఏది భవరోగములను పోగొట్టుతకు అమోఘమైన ఔషధమో
- ఏది జానకీ మాతకు ప్రాణము వంటిదో
అట్టి రామనామామృతమును నిరంతరము గ్రోలు పవిత్రాత్ముడు ధన్యుడగు గాక!
శాస్త్రములలో వర్ణింపబడిన పలు విధములైన జప మార్గములలో [ లిఖితి జపము ] మంత్రము వ్రాయుట శక్తితమమైనది. అది సాధకుని మనోధారణకు దోహదమును ఒసగి ధ్యానమునకు క్రమముగ గొంపోవును. నైతిక మార్గమున జిజ్ఞాసువుల ఆత్మ వికాసమునకు లిఖిత జపము చాల తోడ్పడును. మంత్రము వ్రాయునప్పుడు మనస్సు , జిహ్వ , చేతులు , కన్నులు మంత్రములో లీనమగుటచే పరధ్యానములు తగ్గి ధారణశక్తి పెంపొందును. మనో నిగ్రహము , శాశ్వత శుభ సంస్కారములు ,శాంతి , ఆత్మ శక్తి లభించును.

---- ఈ వ్యాసము యీ సాధకునిచే గురుదేవులు శ్రీ ఆంజనేయ స్వామి సంకలనము చేయించి 1989 మే నేలలో ముద్రింపించిన ఆధ్యాత్మిక దర్పణములోనిది.

జై మారుతీ ! జై జై మారుతీ !!
స్వామి రక్ష ! శ్రీ రామ రక్ష !!
శ్రీ రామ రక్ష ! సర్వ జగద్రక్ష !!

మాతృ దేవో భవ! పితృదేవో భవ!! ఆచార్య దేవోభవ!!!!

- అర్ధ సహస్ర సుందరకాండ కధాగాన శిరోమణి కొమ్మూరు ఉమాప్రసాద్ భాగవతార్
తేది 24-02-10

ఆచార్య వినోభాభావే విరచితము: స్వాతంత్రము వచ్చిన తరువాత యేర్పడిన పరిస్థితులపై ఉపనిషత్ పాఠములు.

2010-01-24T12:01:00.004+05:30

స్వాతంత్రము వచ్చినపిదప భారతదేశమందు వాడుకలోనున్న అప్పటి శాస్త్రములూ, యంత్రములూ మానవుల ఐహిక అధ్యాత్మిక అభివృద్ధికి, సుఖమునకు పనిముట్లుగా చేసికొనతగినవే కాని వాటికి మానవులు దాసులు కాకూడదు.
స్వతంత్రమునకై జరిగిన ఘోరమైన యుద్ధము ముగియగనే మరల యుద్ధములు, స్వతంత్ర పోరాటములు, సాంఘిక పోరాటములు కలుగకుండ ;
మానవ జాతులలో స్నేహ వాత్సల్యములు, సోదర భావము , శాశ్వత శాంతి స్థాపితమగుటకును ; మానవాభివృద్ధి నిరాటంకము గను , శాంతముగను జరుగుటకును ;
ప్రపంచ పునర్నిర్మాణము యెటుల జరగవలెనను విషయమును గూర్చి ధీమంతులగువారు చర్చించడము మొదలిడినారు.
ఈ మహత్కార్యము జయప్రదముగా నెరవేరుటకు గాను
- తపస్సు, త్యాగము , అందరియందు సమభావము , సత్యము , అహింస [చాంద్యోగ ఉపనిషత్]
- మానవులందరియందును ప్రేమ [బృహదారణ్యక ఉపనిషత్ ]
- ఇతరులకు చెందినదాని కొరకు ఆశింపకుము [ఈశావాస్య ఉపనిషత్ ]
- ధనము కన్న ధర్మమే యెక్కువ [ బృహదారణ్యక ఉపనిషత్ ]

మొదలగు ధర్మముల మీద నిర్మింపబడిన భారతీయ నాగరికతా, ఆధ్యాత్మిక తత్వమే ప్రధాన స్థానమును ఆక్రమించవలసి ఉన్నది. దానిని అన్నిదేశములును గుర్తించు దినములు త్వరలోనే రాగలవు.
కావున మానవజాతి యొక్క శాశ్వతమైన శాంతికి, అభివృద్ధికి -- సర్వతోముఖమైన ఐహిక , ఆముష్మికమైన భారత జాతీయనాగరికత, స్వతంత్రము పునరుద్దరింపబడుట చాల అవసరమైయున్నది. మరియు భారతజాతి యొక్క ఆధ్యాత్మిక తత్వమును యితర జాతులు అవలంబింప వలసియున్నది.

భారతజాతి వేల సంవత్సరములుగ అఖండ త్యాగములచే కాపాడబడిన తన నాగరికతను వదలిపెట్టి విదేశీ నాగరికతలను అవలంబించుటకు యత్నించిన యెడల అది ఆత్మ వినాశకరము.
విదేశ నాగరికత పట్టకపోగా ఉన్నది కూడా పోయి జాతి నశించును. కావున భారతజాతి విదేశముల నుండి మంచివిషయములను నేర్చుకొని తన కార్యక్రమములలో చేర్చుకొనవలెనే కాని విదేశీ నాగరికతల యొక్క వ్యామోహము,అనుకరణము బొత్తిగా పనికి raadu .
ఉపనిషత్ ధర్మములు విశ్వ మానవ koaTiki వర్తించునవై కుల మత బేధములకును ,చెడు సాంఘిక ఆచార్యములకును ,ఎక్కువ తక్కువల అహంకార దోషములకును ఎట్టి అవకాశము లేనివై యున్నవి.

కావున ఉపనిషత్ ధర్మముల ఆచరణము యొక్క పునరుద్ధరణముతో హిందూ ,మహమ్మదీయ , క్రైస్తవ మత బేధములు అంతరించి దేశములో సమానత్వము , సోదరత్వము ,ఐకమత్యము కలుగ గలదు.

ఉపనిషత్ ధర్మము లనెడి గంగా నదీ ప్రవాహముతో -
ఇస్లాము యొక్క ఏకేశ్వరోపాసనము,సోదరత్వము -
క్రైస్తవ మతము యొక్క త్యాగము,ప్రేమ తత్వములు యమునా సరస్వతుల వలె సమ్మేళణమై నవ్య భారత జాతీయ జీవన వాహినిగా ప్రవహించ గలదు.
భారత నూతన జీవము కలిగి నిస్సహాయతకు బదులు ఆత్మ విశ్వాసము, ఆత్మ శక్తి, ఆత్మ స్వాతంత్ర్యములు ,ధైర్య స్థైర్యములు, చురుకుదనము,సోదర భావము, ఐక మత్యము, దైవ భక్తి, పరమార్ధిక చింతనము, అహింసా సత్యములు, స్వార్ధ త్యాగము ,మానవ సేవ యందు అనురక్తి, దేశోద్ధరణ శక్తి మొదలగు సద్గుణములు కలిగి తమ జాతిని సర్వ విధముల ఉద్దరించుకొనుటకు శక్తివంతులమగుదురు.
మానవ జాతి యొక్క నాగరికతా పుష్పమునకు మరల భారతీయ నాగరికతా పుష్పములు నూతన సౌరభమును,శోభను కలుగ జేయగలవు.
[ ఈ వ్యాసము ఆచార్య వినోభా భావే వారిచే రచింప బడినది. అయ్యదేవర కాళేశ్వరరావు గారిచే అనువదించ బడినది. ఈ సాధకుని తండ్రిగారైన కొమ్మూరు భాస్కర రావు గారిచే తేది 09-11-74 న సేకరించ బడినది.] ----------- జై మారుతి!

విధ్వంసానికి గురి అయిన భారతీయ మస్తిష్కము!

2010-01-09T15:58:00.004+05:30

ఖండ ఖండాంతరాలలో నాగరికత కన్ను విప్పేనాటికే సభ్యతకు, సంస్కారానికి, నైతిక-ధార్మిక ఆదర్శాలకు పేరు పడ్డది మన భరత ఖండము. చతుర్వేదములు ,ఉపనిషత్తులు,రామాయణము ,భాగవతము,అష్టాదశ పురాణములు వంటివి మన కర్మభూమిని ఆధ్యాత్మికముగా శక్తివంతముగా చేస్తుండగా -

అనేక ఋషుల సందేశములతో,అనేక తపశ్శాలుల దివ్య శక్తులతో,పుణ్య క్షేత్రములతో,అనేక తీర్ధములతో,సిరి సంపదలతో బంగరు భూమివలే అలరారుతుండేది .

మన పవిత్ర పుణ్య భూమి అయిన భారతావనిలో యెందరో మహానుభావులు ఉండేవారు -

* వశిష్ఠ ,వాల్మీకి, వ్యాస ,విశ్వామిత్రుల వంటి యెందరో మహర్షులు

*శ్రీరాముడు ,శ్రీకృష్ణుడు, బుద్దుడు, దత్తాత్రేయుడు వంటి అవతార పురుషులు

* గురునానక్,శంకరాచార్యులు ,మధ్వాచార్యులు , రామానుజాచార్యుల వంటి మతప్రవర్తలు

* జ్ఙానేశ్వర్, ఏక్ నాథ్,తుకారాం,నామదేవ్ , మీరాభాయి, రామదాసు, కబీరుదాసు, త్యాగరాజు, రాఘవేంద్రస్వామి, చైతన్య మహాప్రభు, పోతులూరి వీర బ్రహ్మేంద్ర స్వామి, మోహందాస్ కరంచంద్ గాంధీ, శ్రీ సత్య సాయిబాబా వంటి మహాత్ములు

* రామకృష్ణ పరమహంస ,వివేకానంద, రమణ మహర్షి , అల్లూరి సీతారామరాజు వంటి ఆధ్యాత్మిక వేత్తలు జన్మించారు.

వెయ్యేండ్ల బానిసత్వములో [యింతటి ఘనత కలిగిన మన భరతావనిలో] హైందవ విజ్ఙానము ,విజ్ఙాన కేంద్రాలు చాలా విధ్వంసానికి గురి అయినాయి.

ముస్లింల కాలములో ప్రత్యక్ష విధ్వంసము సాగింది. వారి దండయాత్రలలో అపారమైన ధన సంపత్తులు కొల్లగొట్టబడ్డాయి. అంతే కాదు అనేక క్షేత్రాలలో దేవతా మూర్తులు ధ్వంసమయ్యాయి. హిందూమత పెద్దలు ,భక్తులు హింసించబడ్డారు.

ఆంగ్లేయుల కాలములో భారతీయ మస్తిష్కమే విధ్వంసానికి గురి అయింది.

మన జాతిని శాశ్వతముగా లొంగదీసుకొని ఉంచుకొనడానికి గాను మన మస్తిష్కాన్నే మార్చివేయటము తగిన ఉపాయమని ఆంగ్లేయులు భావించారు.

అందుకు తగిన విద్యా విధానాలు, పద్దతులు ప్రవేశపెట్టారు.

మన ప్రాచీన విజ్ఙాన సర్వస్వాన్ని త్రోసి పుచ్చారు.

పాశ్చత్య రీతుల ఘనతను గురించి మనకు నూరిపోయసాగారు.

పర్యవసానముగా రూపములో భారతీయులుగా ఉంటూ బుద్దిలో పాశ్చాత్యులుగా ప్రవర్తించేవారు పుట్టుకొచ్చారు.

స్వరాజ్యము రాగానే యీ పరిస్తితి మారి భారతీయమైన ప్రజ్ఙ ,మేధస్సు వికసించి ఉండవలసింది కాని అలా జరగలేదు.

జ్ఙానులకు, విజ్ఙానులకు ,వివేకవంతులకు, పండితులకు, ఘనాపాటీలకు, శాస్త్రజ్ఙులకు బుద్దిమంతులకు ,పీఠాధిపతులకు, ఐశ్వర్యవంతులకు, కార్మికులకు కొదువలేదు.

కొరపడింది దేశభక్తి మాత్రమే!

సగటు భారతీయుని గుండెలో గూడుకట్టుకున్న ఆవేదనలు పెద్దలకు అర్ధము కావడము లేదు.

జై మారుతీ! జై జై మారుతీ!!

స్వామి రక్ష! శ్రీ రామ రక్ష!!

శ్రీ రామ రక్ష! సర్వ జగద్రక్ష!!

దేశ విభజన తరువాత పరిణామాలు!

2010-01-05T23:50:00.006+05:30

రవి అస్తమించని బ్రిటిష్ సామ్రాజ్యములో వందల సంవత్సరాలు హీనముగా,బానిసబ్రతుకులు బ్రతికాము. స్వాతంత్ర సాధనకై కోట్లాదిమంది అసువులు బాసారు.కుటుంబ పెద్దలూ యువకులూ కారాగారాలలోనే జీవితాలలో యెక్కువ భాగాన్ని గడిపారు. ఆంగ్లేయులు మనవారిని యెంత హింసించినా అహింసాయుతముగానే స్వాతంత్ర్య ఉద్యమాన్ని నడిపించారు మహాత్మాగాంధీ వంటి యెందరో పెద్దలు.

ఎప్పుడెప్పుడా అని యెదురుచూసిన స్వతంత్రము వచ్చింది. అంతే మనవాళ్ళ ఆనందాలకు హద్దులు లేవు. భారతమాత శృంఖలాలనుండి విముక్తి పొందిందన్న సంతోషముతో ఉవ్వెత్తి ఎగసిపడుతున్న జన సముద్రానికి పిడుగులాంటి వార్త తెలిసింది. అంత వరకు కలసి ఉద్యమాలు నడిపిన కొంత మంది నాయకులు మత ప్రాదికతను అడ్డుపెట్టుకొని తమకు ప్రత్యేకముగా దేశము కావాలని పట్టుపట్టారు. అందరూ నిశ్చేష్టులయ్యారు. ఊహించని ప్రతిపాదన రాగానే యావద్భారతదేశము దిగ్భ్రాంతి చెందింది.

విభజించి పాలించడములో నిష్ణాతులయిన ఆంగ్లేయులు పోతూ పోతూ మతమును ఎరగా చూపించి కొంత మందిలో విషబీజాలు నాటి వెళ్ళిపోయారు. దేశ విభజన అనివార్యమయింది. దేశభక్తులకే కాదు సగటు మనిషికి కూడా కళ్ళంట కన్నీళ్ళు రాలేదు - రక్తాలు కారాయి. కొద్దిమంది స్వార్ధ పూరిత కోరికల కోసము కోట్లాదిమంది బలి అయిపోయారు.

దేశ విభజన సమయములో ఆస్తులనూ, నివాసాలనూ , బ్రతుకు తెరువులనూ,బంధు మితృలనూ, సర్వమునూ వదులుకొని పొట్ట చేతపట్టుకొని అటునుండి యిటూ, యిటునుండి అటూ వలసలు వచ్చేటప్పుడు యెన్నో ఘోరాలు జరిగాయి. స్వాతంత్ర ఉద్యమ నాయకులు బ్రతికి ఉండి జీవచ్చవాలుగా బ్రతికారు.

ఆ తరువాత కొన్నాళ్ళకు మన జాతిపిత మహాత్మాగాంధీ హత్య చేయబడినప్పుడు ప్రపంచములోని ప్రముఖ పత్రికలన్నీ సంపాదకీయాలు వ్రాశాయి. జవహర్ లాల్ నెహ్రూ తన దృష్టికి వచ్చిన అన్ని సంపాదకీయాలను చదివారు. అన్నిటిలోకి ఆయనకు ఒక సంపాదకీయము బాగా నచ్చింది. ఆ సంపాదకీయము మన దేశములోని పత్రికలలో వ్రాసింది కాదు. ఏ పాశ్చాత్య దేశములోని పత్రికలోనో రాలేదు. అది పాకిస్తానులోని ఆంగ్ల పత్రిక పాకిస్తాన్ టైంసు [pakistan taims] ' లో వచ్చింది. ఆ పత్రిక సంపాదకీయుడైన ఫైజ్ అహ్మద్ ఫైజ్ [faij ahmad faij] వ్రాసింది. ఆ సంపాదకీయములో మహాత్ముని ప్రశంస లేదు. ఆయనను హత్య చేసిన ఉన్మాదిని తిట్టడము లేదు. సకల మానవాళి మౌనముగా వ్యక్తము చేసిన ఆవేదనను ఆ సంపాదకీయము ప్రతిఫలించింది.

--గాంధీజీని యెవరు హత్య చేసారన్నది అప్రస్తుతమన్నారాయన. దేశ విభజన అనంతరము మహా ఘోరాలు జరిగినప్పుడే మహాత్ముడు మరణానుభూతిని పొందారు.ఇక మిగిలిందేవిటి?అటు తరువాత ఆయనకు ఉన్న స్థానమేవిటి?అన్నారాయన.

దేశ విభజన సృష్టించిన కృత్రిమ సరిహద్దులు ఫైజ్ భారతీయ అభిమానాన్ని యెమాత్రమూ తగ్గించలేకపోయాయి. ఆయన యెన్నో సార్లు మన దేశానికి వచ్చి తన స్నేహితులతో కలిసి మెలిసి తిరిగారు.పాకిస్తాన్ పాలకులు ఆయనను జైలులో పెట్టి కాగితాలు,కలము ఆయనకు అందకుండా చేస్తే -కలాన్ని,కాగితాన్ని లాగేసుకుంటే యెమి పోయింది? గుండె నెత్తురులో వేళ్ళు ముంచి జైలు గోడలపై వ్రాస్తాను అని అలాగే వ్రాసేవారు. ---- ఇది ఒక ఉదాహరణ మాత్రమే!

[ ఈ వ్యాసము ఈ సాధకుని తండ్రిగారైన కొమ్మూరు భాస్కరరావు గారు సేకరించినది. ]

ఆశ్చర్యమైన విషయము యేమిటంటే వందల సంవత్సరాలు మనలను బానిసలుగా చేసి మన దేశసంపదలన్నీ పట్టుకుపోయిన ఆంగ్లేయులు మనకు యిప్పుడు ప్రియమైనవారు . మన నుండి విడిపోయిన మన దాయాదులు మనకు పరమ శతృవులు!

దేశ పౌరుల మనోభావాలను పాలకులు గ్రహించడములేదు.భారత దేశపు గత చరిత్ర చాలా ఘనమయింది. ఆ ఘనత గతానికే మిగిలిపోతున్నట్టుంది.వర్తమానానికీ భవిష్యత్తుకీ ఆ ఘనత కలగానే మిగిలేటట్టుంది. దిక్కు లేని సగటు మనిషికి యిక దేముడే దిక్కు!

జై మారుతీ! జై జై మారుతీ !!

స్వామిరక్ష! శ్రీ రామ రక్ష !!

శ్రీ రామ రక్షా ! సర్వ జగద్రక్ష !!

శ్రీ ఆంజనేయస్వామి యీ సాధకుడిని ప్రాణాపాయమునుండి కాపాడి ఆధ్యాత్మిక మార్గములో నడిపిస్తున్నారు. --- ఒక సాధకుని ఆత్మ కధ -1

2009-12-11T21:32:00.009+05:30

1978 జూలై నెల రెండవ వారములో నిండు చూలాలయిన శ్రీమతితో స్కూటరుమీద యింటికి వస్తున్నాను.మాముందు పెద్ద ట్రైలరుతో ట్రాక్టరు నెమ్మదిగా వెళ్తున్నాది. కుడిప్రక్కనుండి ట్రాక్టరుని తప్పించుకొని వెళ్తున్నాము. అకస్మాత్తుగా డ్రైవరు ట్రాక్టరును ఎడమప్రక్కకు మళ్ళించాడు. దాని వెనుకను ఉన్న ట్రైలరు విసురుగా వచ్చి మా స్కూటరునిగుద్దింది. ఆ తాకిడికి స్కూటరు,నేను,మాఅవిడ రోడ్డుమీద పడిపోయాము.స్కూటరు కుడిప్రక్క నేను - ఎడమ ప్రక్క మా శ్రీమతి పడిపోయాము. అదే సమయములో మాకు యెదురుగా మా మీదకు ఒక వేను [van] స్పీడుగా వస్తున్నాది. ఆ వేను మమ్మల్ని దాటివెళ్ళిపోవడము మేము రోడ్డుమీద పడిపోవడము రెప్ప పాటులో జరిగిపోయాయి.ట్రాక్టరు తాలూకా ట్రైలరు మా మీదనుండి వెళ్ళిపోయింది.అంతా రెప్పపాటులో జరిగిపోయింది.

అ ప్పుడే ఒక అద్భుతము జరిగింది. ఎవరో మా శ్రీమతిని,నన్ను లేపారు. స్కూటరుని నేను ఎత్తి నిలబెట్టాను. అదే సమయములో ఆ చుట్టుప్రక్కల వాళ్ళు మా వద్దకు వచ్చి మమ్మల్ని ప్రక్కకు తీసుకొని వెళ్ళారు. మా శ్రీమతికి ఏమయిందోనన్న ఆతృత నన్నక్కడ ఉండనివ్వలేదు. స్కూటరు వదలి ఆటో మీద ఫామిలీ డాక్టరు వద్దకు వెళ్ళిపోయాము. అంతా బావుంది అని డాక్టరుగారు చెప్పిన తరువాత యింటికి చేరుకొని ప్రమాదము గురించి యింటిలో చెప్పుతుంటే అప్పుడు జ్ఞాపకము వచ్చింది మమ్మల్ని ఎవరో లేపారని.

అప్పుడు అక్కడ ఎవరూ లేరు. మరి రోడ్డు మీదనుండి మమ్మల్ని లేపినది ఎవరు? ఏదో అదృశ్య శక్తి మమ్మల్ని కాపాడింది అని అర్ధమయి ఒళ్ళు జలదరించింది.అంతర్ముఖముగా అలజడి ప్రారంభమయ్యింది. ఏదో తెలియని తన్మయత్వము కలుగుతున్నాది. ఆనాటినుండి ఆఫీసులో క్రీడా కార్యక్రమాలు, సాంస్కృతిక కార్యక్రమాలు తగ్గిపోయాయి.

మమ్మల్ని కాపాడిన దేవుడు ఎవరా? అని ఆతృతగా ఉంది. ఒక మంగళవారము ఉదయము 6 గంటలకు రేడియోలో పుష్పాంజలిలో యెవరో పాడుతున్నారు. ఆ గొంతుక, ఆ స్వరము నన్ను ఆకర్షిస్తున్నాది. నాకు తెలియకుండానే ఆ గొంతుకతో నా గొంతుక కలసి పాడుతున్నాది. ఆ పాట నేను అంతకు ముందు యెప్పుడూ వినలేదు. కాని నేనుకూడా పాడుతున్నాను. చాలా ఆశ్చర్యముగా ఉంది. రెండవ మంగళవారము ఆ పాట నేను ఆయనతో పూర్తిగా పాడాను. నాకే నమ్మకము కలుగడము లేదు. కాని యిది నిజం!

ఆ పాడుతున్నాయన సుందరదాసు m.s రామారావు గారు. ఆయన పాడుతున్నది తెలుగులో ఆయన వ్రాసుకున్న హనుమాన్ చాలీసా! ఆయన ఆంజనేయ స్వామిని తన గురువుగా భావించి పాడుతున్నారు. అప్పుడు నాకు అర్ధమయింది నన్ను కాపాడింది ఆంజనేయ స్వామియే అని. అంతే అప్పటినుండీ ఆంజనేయస్వామికి సర్వసమర్పణము అయిపోయాను.

నాకు పునర్జన్మను యిచ్చిన ఆంజనేయస్వామిని ఆరాధించడము మొదలయింది. చాలా మందికి యిటువంటి సంఘటనలు జరిగివుంటాయి కాని వాటిని పట్టించుకోరు. మరి యెందు చేతనో ఆ నాటినుండి నాలో మార్పు వచ్చింది. సాధన మొదలయింది.

తరువాత వివరములు దఫ దఫాలుగా మీకు తెలియచేసే అవకాశము గురుదేవులు శ్రీ ఆంజనేయ స్వామి యిస్తారని ఆశిస్తున్నాను.

'గాన గంధర్వ ' --- కొమ్మూరు ఉమాప్రసాద్ భాగవతార్ .

జర్మనీకి తరలి వెళ్ళిన మన ఆధ్యాత్మిక సంపద!

2009-12-05T18:47:00.004+05:30

పోర్చుగీసు వారు, డచ్ వారు, ఫ్రెంచ్ వారు, ఇంగ్లీషు వారు వచ్చి మన సంపదను తీసుకు వెళ్ళితే 1760 లో జర్మను పండితులు వచ్చి మన విజ్ఞాన్నాన్ని తీసుకు వెళ్ళి జర్మను భాషలోనికి తర్జుమా చేసుకున్నారు.ఆ విధముగా మన భారతదేశము గొప్పదనము,ఔన్నత్యము వారికి అర్ధమయింది.

1780 లో J Adverd thomson భగవద్గీత మీద తన అభిప్రాయము [ comment] వ్రాశారు. అప్పటినుండి జర్మనులు మన వేదములతో పాటు మన ఘనాపాటీలను, ఉద్ధండ పండితులను వారి దేశమునకు తీసుకువెళ్ళి నెలల తరబడి కృషిచేసి వేదాలను,వాటి సారములను గ్రహించి వాటిని జర్మను భాషలోనికి అనువాదము చేసుకున్నారు.

విచిత్రము ,యధార్ధము యేమిటంటే యెంతో ప్రాచీనమైన ,మహత్తరమైన మన వేదములు మొట్టమొదట మన దేశభాషలలో ముద్రింపబడలేదు. అర్హత కలిగిన శిష్యులకు నొటి మాటగా[శృతులుగా] చెప్పేవారు. లిపి ద్వారా యివి ప్రచారములోనికి వస్తే అనామకులు, అర్హత లేనివారి చేతిలో పడి నిష్ప్రయోజనమవుతాయని భయపడేవారు. అందుచేత తరతరాలుగా మన వేదములు వంశపారంపర్యముగా గురువులనుండి శిష్యులకు చెప్పబడేవి.

19 వ శతాబ్దము చివరిలో Max Muller అను జర్మను పండితుడు మన వేదాలను జర్మను భాష నుండి ఆంగ్లములోనికి తర్జమా చేశారు. ఆ క్రమములో ఆయన రోజుకి 17 నుండి 18 గంటలు పనిచేసేవారు. ఆయన చేసిన అనువాదములు సుమారు 100 పుస్తకములు[volumes] గా వచ్చాయి.వాటికి పీఠిక [ index] 1000 పేజీల గ్రంధముగా వచ్చింది. దాంతో ప్రపంచమంతా ఒక్కసారి ఉలిక్కిపడింది.

మన ఆధ్యాత్మిక సంపద ప్రపంచానికి మార్గదర్శకమయింది. ఎన్నో యుగముల క్రిందటవి అయినా యిప్పటికాలానికి కూడా అన్వయించుకోవచ్చును.

శ్రీ రాముని నామము, శ్రీ కృష్ణుని ఉపదేశము యీ రెండే రెండు భారత దేశమునకు గల శక్తులు. ప్రపంచ ప్రజలు గుర్తించగలిగితే యాచ్\వత్ ప్రపంచము యొక్క శక్తులని చెప్పవచ్చును.ఒకటి రెండవది సామ్యయోగ ఉపదేశము అని ఆచార్య వినోబాభావే అన్నారు.

అంతటి గొప్ప శక్తులు గ్రంధములలో మాత్రమే మిగిలిపోతున్నాయి. నేటి కాలములో ఆధ్యాత్మికత ఆ భావములు లేనివారిచేతిలో చిక్కిపోయింది.
జై మారుతీ! - జై జై మారుతీ!

స్వామి రక్ష! - శ్రీరామ రక్ష!

శ్రీ రామ రక్ష! - సర్వ జగద్రక్ష!

మాతృదేవోభవ! - పితృదేవోభవ! -ఆచార్య దేవోభవ!

సుందర కాండ కధా గాన శిరోమణి ---- కొమ్మూరు ఉమాప్రసాద్ భాగవతార్ , 49-27-42,మధురా నగర్, విశాఖపట్నం,ఆంధ్ర ప్రదేశ్,ఇండియా, 530016.

శ్రీ హనుమత్ వ్రతము

2009-11-29T18:56:00.010+05:30

శ్రీ హనుమత్ వ్రతము [తే 30-11-09 దీ సోమవారము]సందర్భముగా అంతర్జాల మితృలందరినీ గురుదేవులు శ్రీ ఆంజనేయస్వామి ఆయువు,ఆరోగ్యము,ఐశ్వర్యము యిచ్చి సదా కాపాడుతుండాలని కోరుతున్నాను.
వినాయక వ్రతము , సత్యనారాయణ వ్రతము ,త్రినాధ వ్రతము, కేదార వ్రతము, మంగళ గౌరీ వ్రతము ,వరలక్ష్మీ వ్రతముల వలే శ్రీ హనుమత్ వ్రతము కూడా చేసుకుంటారు. అయితే ఎక్కువ మందికి తెలియదు.
ఈ వ్రత విధానము తెలియక పోయినా యీ దినమున సూక్ష్మముగానయినా శ్రీ ఆంజనేయస్వామి పూజ చేసుకుని రుద్ర స్వరూపుడు,సకల దేవతల శక్తులను వరముగా పొందిన వాడు అయిన శ్రీ ఆంజనేయస్వామి పంచోపచార పూజ చేసుకుందాము.
మాతృదేవో భవ! పితృదేవో భవ! ఆచార్యదేవో భవ!
ఓం శ్రీ గురుభ్యో: నమహా.[నమ హా అని పలకండి]
ఓం గం గణపతయే నమహా!
ఓం శ్రీ పంపా[నదీ]మాతాయై నమహా!
[ఇప్పుడు అయిదు ఉపచారములతో పూజ.అయిదు ఉపచారములలో యే వస్తువు లేకపోయినా పరికల్పయామీ అని పలకండి ]
(1)ఓం శ్రీ సువర్చలా సమేత శ్రీ ఆంజనేయాయ నమహా!- గంధం సమర్పయామీ.
(2)ఓం శ్రీ సువర్చలా సమేత శ్రీ ఆంజనేయాయ నమహా!-పుష్పం సమర్పయామీ.
(3) ఓం శ్రీ సువర్చలా సమేత శ్రీ ఆంజనేయాయ నమహా!- ధూపం ఆఘ్రాపయామీ.
(4) ఓం శ్రీ సువర్చలా సమేత శ్రీ ఆంజనేయాయ నమహా!- దీపం దర్శయామీ.
-- [ఇప్పుడు 108 నామములతో పూజ. ఈ మంత్రములలో మీకు సరిపడ్డ మంత్రమును ఎంచుకొని ప్రతీ అక్షరమును తదేక ధ్యానముతో పైకి వినబడునట్టుగా పలకండి]
శ్రీ హనుమతే నమహా!
ఓం శ్రీ రామ భక్తాయ నమహా!
ఓం నమో భగవతే శ్రీ ఆంజనేయాయ !
ఓం శ్రీ హరి మర్కట మర్కటాయ స్వాహా!

(5) ఓం శ్రీ సువర్చలా సమేత శ్రీ ఆంజనేయాయ నమహా!- నైవేద్యం సమర్పయామీ(నైవేద్యము లేకపోయిన 'ఆత్మ నివేదనం సమర్పయామీ' అని ఆత్మ సమర్పణము చేసుకోండి.

ఈ విధానము జపము చేసేటప్పుడు ఉపయోగిస్తాము కానీ ప్రవాసాంద్రులకూ ,పూజా పుస్తకములు లేనివారికీ, ఎక్కువ సమయము దొరకని వారికీ యీ పద్దతి సరిపోతుంది.

ఈ సాధకుడిని 31 సంవత్సరముల క్రిందట తన మార్గములోనికి మరల్చుకొని నడిపిస్తున్నారు. ఆయన ఋణము తీర్చుకునేందుకూ, ఆయన అనుగ్రహము రుచి చూపించేందుకూ, భక్తి వుండీ మార్గ దర్శనము లేని వారికోసమే యీ విధానము తెలియచేసే ప్రయత్నము యీ సాధకుడు చేస్తున్నాడు.

ఈ పుణ్య దినమున, అనంతమైన శక్తి వచ్చే యీ మహత్తరమైన దినమున మీరూ, మీ సన్నిహితులూ యీ సువర్ణ అవకాశమును సద్వినియోగము చేసుకొని స్వామి అనుగ్రహమునకు పాతృలు కండి. --

శ్రీ ఆంజనేయ స్వామి దయతో మీ ముందుకు మళ్ళీ రాగలను.

---- ఈ సాధకుడు కేవలము నాదోపాసకుడు. కేవలము సంకీర్తనపరుడే కాని హరిదాసు కాదు.పెద్దల ఆశీస్సులు సదా కోరువాడు.

జై మారుతీ!- జై జై మారుతీ!
స్వామి రక్ష -శ్రీ రామ రక్ష!

శ్రీ రామ రక్ష! - సర్వ జగద్రక్ష !
'శ్రీ మారుతీ యక్ష గాన ప్రవీణ్' కొమ్మూరు ఉమాప్రసాద్ భాగవతార్.

ఏమండీ! మీ యింటిలో పిల్లి ఉన్నాదా?

2009-11-26T00:17:00.005+05:30

ఏమండీ! మీ యింటిలో పిల్లి ఉన్నాదా? శంకరరావు తనకు తెలిసిన వాళ్ళను, యిరుగు పొరుగు వాళ్ళను ఏమండీ! మీ యింటిలో పిల్లి వున్నాదా? అని అడుగుతున్నాడు. ఎవరిని అడిగినా లేదనే అంటున్నారు. పట్నం శివార్లకు వెళ్ళి అందరినీ అడుగుతుంటే అదృష్టము వలన పిల్లి దొరికింది. రెండు రోజుల శ్రమ ఫలించింది అని స్థిమితపడ్డాడు శంకరరావు. కీర్తి శేషులయిన తన తండ్రిగారి సంవత్సరీకము [ ఆబ్దీకము ] రోజున ఆ పిల్లిని తీసుకొని వచ్చి పాలు తాగించి దానిని వంటయింటిలోను ,పూజ గదిలోను కాకుండా సామానులగదిలో కట్టి, శుద్దిగా స్నానము చేసి తృప్తిగా తండ్రిగారికి, పెద్దలకు శాస్త్రవిహిత కర్మలను ఆచరించి సంతోషపడ్డాడు.
పిల్లి దొరకదేమోనని ఆందోళణ పడ్డాడేమో శంకరరావుకి ఆ రెండు రోజులు నిద్ర పట్టలేదు.తండ్రి అంటే చాలా ప్రేమ ,గౌరవము వున్నాయి . అయన తన తండ్రిగారికి,పెద్దలకు పితృ కర్మలను ఆచరించేటప్పుడు పిల్లిని కట్టి , శుద్ది అయి పూజలు చేయడము శంకరరావు చాలా పర్యాయములు గమనించే వాడు.తన తండ్రిగారి పద్దతులు పాటించి ఆయనపై తనకు గల గౌరవమును చూపించుకున్నాడు.
శంకరరావు నాన్నగారికి స్వగ్రామములో పౌరోహిత్యముతోపాటు వ్యవసాయము కూడా వున్నాది. పండిన ధాన్యమును ఎలుకల బారినుండి కాపాడుకోవడానికి ఆయన పిల్లిని పెంచేవారు. ఎంత పెంపుడు పిల్లి అయినా దైవకార్యములూ , పితృకార్యములూ చేసేటప్పుడు మాత్రము దానిని కట్టేసేవారు. అది గమనించిన మన సుబ్బారావు యింటిలో పిల్లి లేకపోయినా దానిని సంపాదించి మరీ పితృకర్మలను ఆచరించాడు.
విశాఖలో శ్రీ ఆంజనేయస్వామి ఆలయములో అయిదు సంవత్సరముల క్రిందట వేదపండితుల ఘోష్టిలో పెద్దలు యీ విషయమును చెప్పి యేది యెందుకు చేస్తున్నామో తెలుసుకునే ప్రయత్నము చేయకుండా గుడ్డిగా చేస్తున్నారు అని బాధపడ్డారు. శాస్త్ర పరిఙ్నానము అభ్యసించే ఆసక్తి తగ్గిపోతున్నాది. రాను రాను ఘనాపాటి లు కనుమరుగు అవుతున్నారు అని విచారము వెలిబుచ్చారు.
ఈ కర్మ భూమికి యేది మూలమో ఆ సంపదకు ఆదరణ తగ్గిపోతున్నాది. కొన్ని ఆధ్యాత్మిక సంస్థలు వేద సంపదలను అడుగంటిపోకుండా కృషి చేస్తున్నాయి గాని వాటికి పెద్దల అండదండలు , ప్రోత్సాహము చాలడము లేదు. శ్మశాన వైరాగ్యము లాగ సభలలో బాధపడి వూరుకోవడమేనా? పిల్లి మెడలో గంటలు కట్టే పుణ్యమూర్తులు లేరా?

దేముడి నుండి మనకు వచ్చే మూడు ఉత్తరాలు

2009-11-15T20:16:00.005+05:30

దేముడినుండి మనకు వచ్చే మూడు ఉత్తరాలు.
సుబ్బారావు అనే అతను ఉద్యోగరీత్యా విశాఖపట్నము వచ్చాడు. అతనికి సాయంకాలముపూట బీచి[సముద్రపు ఒడ్డు]లో కూర్చొని విశ్రాంతి లేకుండా నిర్విరామముగా ఉవ్వెత్తునవచ్చి వెనక్కుపోయే కెరటాలనుచూస్తూ కూర్చోవడము చాలా సరదా! రోజులు,నెలలు,సంవత్సరాలు గడుస్తున్నా అతను ఆ అలవాటు మానుకోలేదు సరికదా- చీకటి పడిపోయినా ,చుట్టుప్రక్కల ఎవరూ లేకపోయినా వంటరిగానే సముద్రపు ఆ చివరిని చూస్తూ కాలము గడిపేవాడు.
ఒక రోజు సాయంత్రము చీకటి పడిపోయినా అలవాటు ప్రకారము కూర్చుండిపోయాడు. చుట్టూ యెవ్వరూ లేరు. కెరటాల హోరును శ్రవణానందముగా వింటూ ఉవ్న్నాడు. హఠాత్తుగా సముద్రముమీద చాలా దూరమునుండి యేదో ఆకారము అస్పష్టముగా రావడము కనిపించింది. ఆ ఆకారము అతనివైపునే వస్తున్నాది. ఏదో పడవేమో అనుకున్నాడు. కాని ఆ ఆకారము దగ్గరకు వచ్చేసరికి యెనుబోతుమీద కిరీటముతో చేతిలో పాశముతో ఆ వస్తున్నది 'యమధర్మరాజు ' అని అర్ధమయింది. నోటమాటరాక వళ్ళంతా చెమటలు పట్టి గుండె కొట్టుకుంటున్న శబ్ధముతప్ప సముద్రపు హోరు వినిపించడము లేదు. భయంభయంగా చూస్తున్న అతనిముందు నుండే 'యమధర్మరాజు ' వెళ్ళిపోతున్నారు. సుబ్బారావుకి ప్రాణము లేచి వచ్చింది. కొద్దిగా ధైర్యము తెచ్చుకొని, ' యమధర్మరాజు గారూ! ఆగండి! ' అని పిలిచాడు. యమధర్మరాజు గారు ఆశ్చర్యముతో వెనుకకు తిరిగి చూసి యీ మానవులు పౌరాణిక నాటకములు చలన చిత్రములు చూసి మనలను పోల్చుకుంటున్నారు అనుకొని ఆగారు.సుబ్బారావు నెమ్మదిగా ఆయన దగ్గరకు వెళ్ళి మీరు దేముడే కదా! మరి నాకు కనిపించి కూడా వరము యివ్వకుండా వెళ్ళిపోవడము ధర్మమా? ధర్మరాజా! ' అని అడిగాడు. ధర్మరాజు నవ్వుకుంటూ," సరే! నీకు యేమి వరము కావాలి?" అని అడిగారు. సుబ్బారావు సంతోషముతో,'మీరు నా గురించి వచ్చినప్పుడు నాకు తెలియజేసి రావాలండీ!' అని అడిగాడు. " సరే! నీకు మూడు ఉత్తరాలు పంపి వస్తానులే! అని ఆయన వెళ్ళిపోయారు. 'తన మృత్యువు తనకు ముందే తెలుస్తున్నాదని సంతోషముతో సుబ్బారావు పొంగిపోయాడు.
రోజులు, నెలలు, సంవత్సరాలుగడుస్తున్నాయి. సుబ్బారావు బీచికి వెళ్ళడము మానలేదు. ఈలోగా అతనికి వివాహము అయింది. పిల్లలు పుట్టి, చదువుకుంటూ, పెద్దవారు అయి, వివాహములు అయి స్థిరపడ్డారు. ఈయనకు ఉద్యోగములో ప్రమోషనులు వరుసగా వచ్చాయి. స్వంత యిల్లు కట్టుకున్నాడు.ఉద్యోగమునుండి రిటైర్ అయ్యాడు.అయినా బీచికి వెళ్తూనే వున్నాడు.
ఒక రోజు సాయంత్రము బాగా చీకటి పడిపోయింది. యమధర్మరాజు వచ్చి యెదురుగా నిలబడ్డారు. సుబ్బారావు ఆయనకు నమస్కరించి,'స్వామీ! యీ రోజు పాపం యెవరికి మూడింది? 'అని అడిగాడు. "ఇంకెవరికి? నీకే! "అని యమధర్మరాజు అన్నారు! 'అదేమిటి స్వామీ! మూడు ఉత్తరాలు పంపిన తరువాత వస్తానని చెప్పి యిప్పుడు హఠాత్తుగా రావడము మీకు ధర్మమా?' అని సుబ్బారావు దూఃఖముతో అడిగాడు. ధర్మరాజు "నాయనా! నీకు జుత్తు నెరిసిందా? ' అని అడగగానే సుబ్బారావు, ' నెరిసిందండీ! కాని యిదుగో రంగు వేసుకున్నాను ' అన్నాడు. " సరే! నీకు చూపు తగ్గిందా? "అని ఆయన అడగగానే ,'తగ్గిందండీ! కళ్ళద్దాలు పెట్టుకున్నానండీ!'అని యీయన జవాబు యిచ్చాడు. "సరే! నీకు దంతాలు కదిలాయా?" అని ఆయన అడగగానే యీయన, 'కదలదమేమిటి! చాలా ఊడిపోతే పళ్ళు కట్టించుకున్నానండీ! ' అని యీయన చెప్పాడు. యమధర్మరాజు గారు తాపీగా," అవే నాయనా! మేము నీకు పంపిన మూడు ఉత్తరాలు. మా లోకము పద్దతి ప్రకారము ఉత్తరాలు అలానే పంపుతాము"అని సుబ్బారావు ప్రాణాలను తీసుకు పోయారు.
ఈ కథ - పూజ్యులు దైవ స్వరూపులు శ్రీ శ్రీ శ్రీ శ్రీరంగ రంగరాజ జియ్యరు స్వామివారు సుమారు 16 సంవత్సరముల క్రిందట విశాఖలో చెప్పినారు. మొదటి ఉత్తరము రాగానే బాహ్య దృష్తిని తగ్గించుకొని భగవత్పరముగా జీవితమును గడిపి భగవంతుని అనుగ్రహపాత్రులు అవ్వాలని వారు మంగళాశాశనములు చేశారు.
సర్వే జనా సుఖినోభవంతు! అంతర్జాల మితృలందరికీ నమస్కారములతో
--- శ్రీ మారుతీ పద భక్త కొమ్మూరు ఉమాప్రసాద్ భాగవతార్

మహా మనీషి

2009-11-07T22:22:00.001+05:30

మహా మనీషి! పురుషులలో పుణ్య పురుషులు వేరయా విశ్వదాభిరామ వినుర వేమా! -అన్నట్టుగా మనిషికీ మహా మనిషికీ చాలా తేడా ఉంది. అటువంటి ఒక మహా మనిషి గురించి తెలుసుకుందాము.

దివ్యఙ్ఞాన సమాజ సిద్దాంతము ప్రకారము భగవత్తత్వము గురించి,భగవంతునికి-మనిషికి గల సంబంధము గురించి మానవాళికి తెలిపి వారిని సంస్కరించుటకు భగవంతునిచే నియమింపబడిన మహాపురుషు [ పరమగురువు]లకూ - మానవాళికీ మధ్య గురువులు కలరు. వారు[అనీబిసెంటు అమ్మగారు, కర్నల్ ఆల్కాటు , లెడ్బీటరు వంటి పెద్దలు ] ప్రపంచ దేశాలన్నిటిలోను తమ దివ్య ఙ్ఞాన సమాజమును విస్తరింపజేసి చివరికి కర్మ భూమి అయిన భారత భూమియే తమ కేంద్ర స్థానముగా నిర్ణయించుకొని టిబెట్ దగ్గఱలోగల హిమాలయా పర్వతాలను తమ స్థావరముగా స్థిరపరచుకొని తమ సమాజమునకు భవిష్యత్ గురువును కనుగొనుటకు తీవ్ర ప్రయత్నాలు చేశారు.

ఆ కాలములో మన రాష్త్రములో దివ్య ఙ్ఞాన సమాజమునకు యెంతో ఆదరణ ఉండేది.ఆ విధముగా పెద్దలు చిత్తూరుజిల్లాలోగల మదనపల్లి [1908 లో] వచ్చినప్పుడు ఒక 13 సంవత్సరాల బాలుడిని చూడగానే వారికి అంగీకారసూచనగా అంతరంగా సంకేతాలు అందాయి. అప్పుడు వారు ఆనందముతో ఆ బాలుని తండ్రికి తమ దృక్పధము తెలియజేయగానే ఆయన తను యే సమాజములో సభ్యుడో ఆ సమాజమునకు అధినేతగా 11 గురు ఉన్న తమ సంతానములో 8 వ సంతానమయిన కృష్ణమూర్తిని వారికి యిచ్చుటకు సంతోషముతో అంగీకరించాడు. కాని ఆ బాలుడు తన అన్న తనతో వస్తేనే తను వెళ్తానని అనడముతో అన్నదమ్ములు యిద్దరినీ వారితో పంపించారు.

పరమగురువులు ఆ అబ్బాయి[ జిడ్డు కృష్ణమూర్తి]ని తీర్చి దిద్దే బాధ్యతను అనీబిసెంటు అమ్మగారికి అప్పజెప్పారు. ఆ అబ్బాయి ఆ వయస్సు నుండే లోకానికి గురువు కాగల అర్హతలను సంపాదించడము మొదలు పెట్టాడు. వేదాలనూ సకల శాస్త్రాలనూ క్షుణ్ణంగా అభ్యసించాడు. పరమగురువుల అశీస్సులు ,అభినందనలు పొంది చివరకు వారసత్వము పొందాడు. మధ్యలో తనతోటి అన్నదమ్ముని మరణము కొంత క్రుంగదీసినా ఆ కారణముగానే ఆధ్యాత్మికముగా ఎంతో ఉన్నతమయిన స్థాయికి యెదిగాడు. పువ్వు పుట్టగానే పరిమళము వెదజల్లినట్టు చిన్న వయస్సులోనే' పరమ గురువు చరణ సన్నిధి '[ ఎట్ ద ఫీట్ అఫ్ ద మాస్టర్] పుస్తకము వ్రాయుట ద్వారా తన ప్రతిభను చాటాడు.

ప్రపంచ వ్యాప్తంగా ఆయన అభిమానులు తమ యావదాస్తుల్నీ ఆయన ఆధిపత్యములోని తూర్పు దేశపు ధ్రువ తార [స్టార్ అఫ్ ద ఈస్ట్] అను సంస్థకు ధారపోశారు.ఆయన ప్రపంచ దేశాలన్నీ తిరుగుతూ ఉపన్యాసాలిచ్చేవారు.యావత్ప్రపంచమూ ఆయనను భగవంతుడిగానే కొలిచేవారు. అనీబిసెంటు అమ్మగారు,యితర పెద్దలు తాము నాటిన విత్తనము మహా వృక్షమయి ఫలాలను యివ్వడము చూసి గర్వపడేవారు.

అయితే రానురాను ఆ సమాజ సభ్యులూ ,ఆయన శిష్యులూ ఆయన దగ్గరకు వచ్చే భక్తులను ఆదాయము దృష్థితో కట్టడి చేసేవారు. ఆయనకు తాను విశ్వ మానవ సమాజములోనికి స్వేచ్చగా వెళ్ళలేకపోవడము బంధనము అనిపించి, సమాజ సభ్యుల సంకుచిత భావాలకు తిరుగుబాటు చేసి , సమాజానికి దానము చేసినవారికి యెవరి ఆస్తులు వారికే యిచ్చేసి తాను కేవలము మనిషినేనని అందరూ అనుకుంటున్నట్టు తాను భగవంతుడిని కానని ప్రకటించి సమాజ పెద్దలను కృంగదీసి యావత్ప్రపంచాన్నీ విస్మయ పరచి, మనిషిగా తన గొప్పదనాన్ని నిరూపించుకొని భగవంతుని సేవలోనే పూర్తిగా నిమగ్నమయి 1987 లో పరమపదించారు.

ప్రపంచమంతా తనను భగవంతుడుగా కొలుస్తుంటే పరిపక్వమయిన ఙ్ఞానముతో తాను డేవుడిని కానని-డేవుడిని కొలిచే మానవుడిని అని చాటిన ఆ మహా మనీషి మన తెలుగు వాడే కావడము మన అదృష్ఠము కాదా!

గురు దేవులు శ్రీ ఆంజనేయ స్వామి దయతో మళ్ళీ మీ ముందుకు వచ్చే ప్రయత్నము చేస్తాను. ---కొమ్మూరు ఉమాప్రసాద్ భాగవతార్ . సెల్ 9848462805